ທະນາຄານເພື່ອການພັດທະນາປະເທດຈີນ (CDB) ໜຶ່ງໃນທະນາຄານ ນະໂຍບາຍຂອງຈີນ ໄດ້ຂະຫຍາຍວົງເງິນສິນເຊື້ອຈຳນວນ 3.06 ໝື່ນລ້ານຢວນ ໃນຊ່ວງ 5 ເດືອນທຳອິດຂອງປີ ເພື່ອສະໜັບສະໜູນການກະສິກຳຂອງປະເທດ.
ໃນວັນທີ 8 ມິຖຸນາ ສຳນັກຂ່າວຊິນຫົວ ໄດ້ລາຍງານວ່າ: ທະນາຄານ ໄດ້ກ່າວວ່າ ສິນເຊື້ອດັ່ງກ່າວໄດ້ຖືກນຳໄປໃຊ້ໃນການກໍ່ສ້າງໂຄງສ້າງພື້ນຖານທາງກະສິກຳ, ອຸດສາຫະກຳເມັດພັນ ແລະ ອຸດສາຫະກຳໃນຊົນນະບົດ ພ້ອມໃຫ້ຄຳໝັ້ນວ່າ ຈະຍົກລະດັບການບໍລິການ ແລະ ຜະລິດຕະພັນທາງການເງິນໃຫ້ດີຍິ່ງຂຶ້ນ ເພື່ອຮັບປະກັນຄວາມໝັ້ນຄົງທາງດ້ານກະສິກຳທີ່ສຳຄັນຂອງປະເທດ.