ອີງຕາມການລາຍງານຂອງສຳນັກຂ່າວ ຊິນຮວາ ໃນວັນທີ 6 ມິຖຸນານິ້ວ່າ: ພູໄຟ ບູລູຊານ (Bulusan) ໃນແຂວງ ຊໍໂຊໂກນ(Sorsogon) ທາງຕາເວັນອອກສ່ຽງໃຕ້ ນະຄອນຫລວງມະນິລາຂອງ ປະເທດຟີລິບປິນ ເກີດລະເບີດ ພົ່ນຂີ້ເຖົ່າໄຟ ປົກຄຸມ ທົ່ວທ້ອງຟ້າ ລະຫວ່າງ ການລະເບີດ ຂອງອາຍນ້ຳ(phreatic eruption)ຮຸນແຮງ ກ່ອນຕົກລົງ ປົກຄຸມ ທີ່ຢູ່ອາໄສ ແລະ ເນື້ອທີ່ປ່າ ໃກ້ຄຽງ ປ່ຽນເປັນສີ ຂີ້ເຖົ່າ.
ປັດຈຸບັນ ສະຖາບັນ ພູໄຟວິທະຍາ ແລະ ແຜນດິນໄຫວ ວິທະຍາແຫ່ງ ຟີລິບປິນ ປະກາດ ຍົກລະດັບ ເຕືອນໄພ ພູໄຟ ດັ່ງກ່າວຈາກ 0ເປັນ1 ຫລັງຈາກ ພູໄຟລະເບີດ ພົ່ນຂີ້ເຖົ່າ ຂຶ້ນສູງເຖິງ 1ກິໂລແມັດ.