ອິນເດຍ ປະສົບຜົນສຳເລັດ ທົດລອງຍິງຂີປະນາວຸດຕິດຕິດນິວເຄລຍ ໄປໄກກ່ວາ 2,000 ກິໂລແມັດ

ສຳນັກຂ່າວຕ່າງປະເທດລາຍງານວ່າ ໃນວັນທີ 9 ພະຈິກທີ່ຜ່ານມາ ອິນເດຍໄດ້ປະສົບຜົນສຳເລັດໃນການທົດລອງ

ຍິງຂີປະນາວຸດຕິດນິວເຄລຍພິໄສກາງ ອັກຄະນີ – 2 (Agni-II) ຍິງໄດ້ໄກກ່ວາ 2,000 ກິໂລແມັດ.

ການທົດລອງດັ່ງກ່າວ ໄດ້ເປັນສ່ວນໜຶ່ງຂອງໂຄງການພັດທະນາຂີປະນາວຸດຂອງອິນເດຍ ເຊິ່ງຂີປະນາວຸດອັກຄະນີ

2 ນີ້ ເປັນຂີປະນາວຸດພິໄສກາງ ຄວາມຍາວ 20 ແມັດ ມີນ້ຳໜັກເຖິງ 17 ໂຕນ ແລະ ສາມາດຍິງໄດ້ໄກເຖິງ 2,000 ກິ

ໂລແມັດ ຫລື ຖ້າຫາກຫລຸດນ້ຳໜັກທີ່ບັນທຸກລົງ ກໍອາດຍິງໄດ້ສູງເຖິງ 3,000 ກິໂລແມັດ ໂດຍໃຊ້ເວລາເພື່ອກຽມ

ຍິງພຽງແຕ່ 15 ນາທີເທົ່ານັ້ນ.

ຂີປະນາວຸດຕິດນິວເຄລຍດັ່ງກ່າວ ໄດ້ທະຍານຂຶ້ນສູ່ທ້ອງຟ້າຈາກລັດໂອຣິສາ ເມື່ອຕອນເຊົ້າຂອງວັນທີ 9 ພະຈິກທີ່

ຜ່ານມາ ແລະ ກາຍເປັນອີກໜຶ່ງການທົດລອງນິວເຄລຍຂອງອິນເດຍ ທີ່ປະສົບຜົນສຳເລັດອີກຄັ້ງ ກ່ອນທີ່ຈະຖືກ

ນຳເຂົ້າປະຈຳການໃນກອງທັບຕໍ່ໄປ.

ກ່ອນໜ້ານີ້ ອິນເດຍໄດ້ທົດລອງຍິງຂີປະນາວຸດຕິດນິວເຄລຍມາແລ້ວຫລາຍຄັ້ງ ໄດ້ແກ່ຂີປະນາວຸດພິໄສກາງ ອັກ

ຄະນີ -1 ເຊີ່ງຍິງໄດ້ໄກ 700 ກິໂລແມັດ, ຂີປະນາວຸດພິໄສກາງ ອັກຄະນີ-3 ຍິງໄກ 3,000 ກິໂລແມັດ, ຂີປະນາວຸດພິໄສ

ໄກ ອັກຄະນີ-6 ຍິງໄດ້ໄກ 4,000 ກິໂລແມັດ ແລະ ຂີປະນາວຸດພິໄສໄກ ອັກຄະນີ – 5 ເຊິ່ງສາມາດຍິງໄດ້ໄກກ່ວາ 5,000

ກິໂລແມັດ.