ເກີດເຫດ ຄົນຮ້າຍບຸກເຂົ້າໄປກາດຍິງທີ່ໂຮງໝໍແຫ່ງໜຶ່ງໃນເມືອງ Tulsa, ລັດ Oklahoma ສະຫະລັດອາເມຣິກາ ເບື້ອງຕົ້ນມີຜູ້ເສຍຊີວິດທັງໝົດ 4 ຄົນ ຫຼັງຈາກຜູ້ກໍ່ເຫດໄດ້ຍິງຕົວເອງຕາຍເພື່ອໜີຄວາມຜິດ.

ເກີດເຫດການກາດຍິງໃນສະຫະລັດ ອີກຄັ້ງ ຫຼັງຈາກທີ່ເກີດເຫດກາດຍິງທີ່ໂຮງຮຽນປະຖົມເທັກຊັສໄດ້ພຽງ 1 ອາທິດ , ໂດຍເຫດການລ່າສຸດເກີດຂື້ນທີ່ໂຮງໝໍ St francis ຜູ້ກໍ່ເຫດໄດ້ໃຊ້ປືນໄລເຟີ້ນ ແລະ ປືນສັ້ນບຸກເຂົ້າໄປໃນອາຄານ Natalie Medical Building ເຊິ່ງເປັນຕຶກສຳນັກງານຂອງເເພດ ແລ້ວກໍ່ເຫດກາດຍິງຄົນໃນອາຄານຈົນເຮັດໃຫ້ມີຜູ້ເສຍຊີວິດຢ່າງໜ້ອຍ 4 ຄົນ, ກ່ອນທີ່ຕຳລວດຈະພົບຄົນຮ້າຍນອນເສຍຊີວິດ ໂດຍມີບາດຖືກຍິງດ້ວຍອາວຸດປືນ, ເຊິ່ງເບື້ອງຕົ້ນຕຳຫຼວດລະບຸວ່າ ໜ້າຈະເປັນການຍິງຕົວເອງຕາຍ ໂດຍຫຼັງຈາກທີ່ເກີດເຫດ ເຈົ້າໜ້າທີ່ໄດ້ປິດອາຄານດັ່ງກ່າວ ແລະ ເຂົ້າກວດສອບທຸກຫ້ອງໃນອາຄານ.

Eric Dalglech ຮອງຫົວໜ້າຕຳຫຼວດເມືອງ Tulsa ​ໃຫ້​ສຳພາດ​ກັບນັກຂ່າວວ່າ: ຕຳຫຼວດມາຮອດຈຸດເກີດເຫດພາຍໃນ 3 ນາທີຫຼັງຈາກໄດ້ຮັບແຈ້ງເຫດ ໂດຍເຈົ້າໜ້າທີ່ໄດ້ເລັ່ງເຄື່ອນຍ້າຍຄົນເຈັບໃນອາຄານອອກມາ ພ້ອມທັງນຳສຽງປືນໄປຈົນຮອດບໍລິເວນຊັ້ນ 2 ຂອງອາຄານຈົນໄປພົບກັບຜູ້ເຄາະຮ້າຍ ແລະ ຄົນຮ້າຍທີ່ເສຍຊີວິດແລ້ວ.

ເຊິ່ງເບື້ອງຕົ້ນຍັງບໍ່ມີການລາຍງານກ່ຽວກັບປະຫວັດຂອງຜູ້ກໍ່ເຫດ, ໂດຍຕຳຫຼວດໄດ້ລະບຸວ່າຜູ້ກະທຳ ອາຍຸປະມານ 35-40 ປີ ແລະ ຍັງບໍ່ຮູ້ກ່ຽວກັບແຮງຈູງໃຈໃນການກໍ່ເຫດ, ດ້ານທຳນຽບຂາວຢືນຢັນວ່າ ປະທານາທິບໍດີ ໂຈ ໄບເດັນ ແຫ່ງສະຫະລັດອາເມຣິກາ ໄດ້ຮັບລາຍງານກ່ຽວກັບເຫດການກາດຍິງທີ່ Oklahoma ແລ້ວ ແລະ ໄດ້ສະເໜີທີ່ຈະມອບຄວາມຊ່ວຍເຫຼືອໃຫ້ກັບເຈົ້າໜ້າແລ້ວ.