ສີລັງກາຮຽກຮ້ອງຊາວນາໃຫ້ປູກເຂົ້າເພີ່ມ ຫຼັງຈາກປະເຊີນກັບວິກິດເສດຖະກິດຄັ້ງໃຫຍ່ທີ່ສຸດໃນຮອບ 70 ປີ.
ຫົວໜ້າກະຊວງກະສິກຳຂອງປະເທດໄດ້ກ່າວວ່າ: ສະຖານະການຂອງປະເທດໃນປັດຈຸບັນແມ່ນຮ້າຍແຮງທີ່ສຸດ, ຍ້ອນມາຈາກການຂາດແຄນສິ່ງຂອງຈຳເປັນໃນການດຳລົງຊີວິດ ແລະ ຂາດແຄນອາຫານ, ຮ້ອງຂໍໃຫ້ໃຫ້ຊາວນາທຸກຄົນໃຫ້ເຂົ້າເພີ່ມຕື່ມ.
ໜັງສືພິມ Financial Times ລາຍງານວ່າ: ສີລັງກາໄດ້ຂໍຄວາມຊ່ວຍເຫຼືອຈາກທະນາຄານອາຫານແຫ່ງອາຊີໃຕ້ ເຊິ່ງທະນາຄານນີ້ໄດ້ຈັດສະບຽງອາຫານ, ເຂົ້າ ແລະ ສິນຄ້າອື່ນໆ ໃຫ້ກັບປະເທດຕ່າງໆ ທີ່ຕ້ອງການຄວາມຊ່ວຍເຫຼືອ.
ທັ້ງນີ້ເຈົ້າໜ້າທີ່ສີລັງກາ ໄດ້ຊອກຫາວິທີຊຸກຍູ້ຜະລິດສະບຽງອາຫານ ເພື່ອໃຫ້ພຽງພໍໃຫ້ກັບປະຊາຊົນ ແລະ ໄດ້ຊອກຫາສະບຽງອາຫານຈຳນວນ 100,000 ໂຕນ ໃນຮູບແບບການບໍລິຈາກ ຫຼື ແບບການຂາຍແບບອຸດໜູນ, ນາຍົກລັດຖະມົນຕີສີລັງກາ ຍັງໄດ້ມາເຕືອນໄພ ເລື່ອງການຂາດແຄນຮ້າຍແຮງໃນເດືອນສິງຫານີ້.
ໃນວັນອັງຄານທີ່ 31 ພຶດສະພາ ທີ່ຜ່ານມານີ້ ລັດຖະບານສີລັງກາໄດ້ເພີ່ມພາສີ ເພື່ອນຳໄປຊື້ສິນຄ້າທີ່ສຳຄັນ ລວມທັງນ້ຳມັນເຊື້ອໄຟ ແລະ ອາຫານ, ຈາກທີ່ເຄີຍເກັບພາສີ 8% ມາເປັນ 12%, ເກັບພາສີນິຕິບຸກຄົນຈາກ 24% ມາເປັນ 30%.