ເກີດເຫດລະເບີດຮຸນແຮງໃນບໍ່ຖ່ານຫີນທາງຕອນເໜືອຂອງປະເທດໂຄລຳເບຍ ມີແຮງງານທີ່ຕິດຢູ່ໃນນັ້ນ 14 ຄົນ ມີເຈົ້າໜ້າທີ່ກູ້ໄພກຳລັງເລັ່ງຊ່ວຍເຫຼືອຜູ້ທີ່ຕິດຢູ່ໃນນັ້ນ.
ວັນທີ 31 ພຶດສະພາ ເກີດເຫດລະເບີດຮຸນແຮງພາຍໃນບໍ່ຖ່ານຫີນໃນເມືອງຊູເລຍ ແຂວງວັດນອດ ຊານແທນເດີ ພາກເໜືອຂອງປະເທດໂຄລຳເບຍ, ແຮງລະເບີດໄດ້ສົ່ງຜົນໃຫ້ບາງສ່ວນຂອງບໍ່ຖ່ານຫີນຖະລົ່ມມາທັບແຮງງານທາງໃນ ໂດຍຂະນະເກີດເຫດຢູ່ໃນແຮງງານຢູ່ທາງໃນ 14 ຄົນ ຂະນະນີ້ມີກູ້ໄພເລັ່ງຊ່ວຍເຫຼືອຄົນອອກມາ ໃນຂະນະທີ່ຍາດພີ່ນ້ອງກຳລັງຖ້າຢູ່ທາງນອກ, ແຕ່ກໍມີອຸປະສັກແກັສທີ່ຮົ່ວໄຫຼທີ່ສະສົມຢູ່ໃນບໍ່ຖ່ານຫີນ.
ເຫດການນີ້ ມີຜູ້ບາດເຈບ 1 ຄົນ ທີ່ເຮັດວຽກຢູ່ທາງນອກບໍ່ຖ່ານຫີນ ໂດຍຖືກໄຟໄໝ້ຕາມຮ່າງກາຍ ໃນຂະນະນີ້ໄດ້ຮັບການຮັກສາໂຕຢູ່ ແລະ ສ່ວນສາເຫດນັ້ນຍັງຢູ່ໃນຂະບວນການສືບສວນ.
ແຫຼ່ງຂ່າວຈາກ ຕ່າງປະເທດ