ຈາກລາຍງານຈາກ ສຳນັກງານປ້ອງກັນຢາເສຍຕິດ ແລະ ປາມປາມອາຊະຍາກຳແຫ່ງສະຫະປະຊາຊາດ (UNODC) ໄດ້ລາຍງານວ່າອາຊີ ເປັນພູມິພາກທີ່ສາມາດພົບປະລິມານຢາເສບຕິດທີ່ຜະລິດ ແລະ ຄ້າຫຼາຍທີ່ສຸດໃນປີ 2021. ໂດຍຈັບຢາບ້າໄດ້ຫຼາຍກວ່າ 592 ລ້ານເມັດ ແລະ ຢາໄອສອີກ 22.126 ກິໂລກຣາມ.
ໃນລາຍງານ 30 ພຶດສະພາ ຢືນຢັນວ່າມີຢາບ້າຈຳນວນມະຫາສານທີ່ຜະລິດໃນອາຊີ ອີກທັງຍັງເປັນເສັ້ນທາງການຄ້າຢາ ແລະ ມີການໃຊ້ຢາເສບຕິດຈຳນວນຫຼາຍ ໂດຍພົບວ່າການຄ້າຢາເສບຕິດໄດ້ກະຈາຍໄປຢ່າງຕໍ່ເນື່ອງ.
ຜູ້ແທນສຳນັກງານປ້ອງກັນຢາເສຍຕິດ ແລະ ປາມປາມອາຊະຍາກຳແຫ່ງສະຫະປະຊາຊາດ (UNODC) ປະຈຳພູມິພາກອາຊີຕະເວັນອອກສຽງໃຕ້ ແລະ ປາຊີຟິກກ່າວວ່າ ປີທີ່ຜ່ານມາ ອົງກອນອາຊະຍະກຳ ແລະ ກຸ່ມຕິດອາວຸດ ສວຍໂອກາດໃນຊ່ວງທີ່ເກີດລະບາດ ແລະ ຄວາມບໍ່ສະເຖຍລະພາບທາງການເມືອງ ໃນເຂດສາມລ່ຽມທອງຄຳ ໄດ້ຂະຫຍາຍການຜະລິດຢາເສບຕິດ ແລະ ຍັງພົບວ່າ ເຂດສາມລ່ຽມທອງຄຳ ມີການຜະລິດທີ່ເພີ່ມຂຶ້ນຢ່າງຕໍ່ເນື່ອງອີກດ້ວຍ.
ແຫຼ່ງຂ່າວຈາກ ບີບີຊີ