ໃນວັນທີ 31 ພຶດສະພາ 2022 ນີ້ທີ່ຫໍປະຊຸມແຫ່ງຊາດນະຄອນຫລວງວຽງຈັນ, ທ່ານ ພັນຄໍາ ວິພາວັນ ນາຍົກລັດຖະມົນຕີພ້ອມດ້ວຍບັນດາຮອງນາຍົກລັດຖະມົນຕີ, ລັດຖະມົນຕີ,ຫົວຫນ້າຫ້ອງວ່າການສໍານັກງານນາຍົກລັດຖະມົນຕີ, ອົງການຈັດຕັ້ງມະຫາຊົນ ໄດ້ຮ່ວມປູກຕົ້ນຈໍາປາ 9 ຕົ້ນເນື່ອງໃນໂອກາດວັນປູກຕົ້ນໄມ້ແຫ່ງຊາດ ແລະ ວັນເດັກນ້ອຍສາກົນ.
ພາຍຫຼັງສຳເລັດການປູກຕົ້ນໄມ້ ທ່ານ ພັນຄໍາ ວິພາວັນ ນາຍົກລັດຖະມົນຕີ ແລະ ພາກສ່ວນກ່ຽວຂ້ອງໄດ້ເຂົ້າຮ່ວມສະເຫລີມ ສະຫລອງວັນເດັກນ້ອຍສາກົນ ພ້ອມກັນນັ້ນສໍານັກງານຫ້ອງການຂັ້ນສູນກາງ, ແຂວງຕ່າງໆ, ໂຮງຮຽນ ໃນທົ່ວປະເທດ ກໍໄດ້ຈັດກິດຈະກໍາປູກຕົ້ນໄມ້ ແລະ ສະຫລອງວັນເດັກນ້ອຍສາກົນຢ່າງເປັນຂະບວນການເຊັ່ນດຽວກັນ.
ເຊິ່ງໃນພິທີດັ່ງກ່າວ ໄດ້ມີການສະແດງສິລະປະຂອງເດັກນັກຮຽນໂຮງຮຽນ ປາຖະຫນາ, ການສະແດງກາຍະສິນ, ການຖາມຕອບຄວາມຮູ້ທົ່ວໄປກ່ຽວກັບເດັກ, ນອກນີ້ຍັງໄດ້ທ່ຽວຊົມ ຕະຫລາດນັດຂາຍຜະລິດຕະພັນພາຍໃນ ແລະ ເທສະການອາຫານຕື່ມອີກ.
ຂໍ້ມູນ:ໜັງສືພິມລາວພັດທະນາ