ສຖານະການການແຜ່ລະບາດຂອງພະຍາດໂຄວິດໃນເກົາຫຼີເໜືອຍັງຄົງໜ້າເປັນຫ່ວງ ໂດຍລ່ຍງານຫຼ້າສຸດ ໃນວັນທີ 20 ພຶດສະພາ 2022 ທີ່ຜ່ານມາພົບວ່າ: ມີປະຊາຊົນທີ່ເກີດອາການໄຂ້ສູງ ແລະ ອາດມີຄວາມສ່ຽງໃນການຕິດເຊື້ອສູງ ລວມແລ້ວຫຼາຍກວ່າ 2.2 ລ້ານຄົນ ຫຼືຄິດເປັນເກືອບ 9% ຈາກຈຳນວນປະຊາກອນທັງໝົດກວ່າ 25.9 ລ້ານຄົນ ຂະນະທີ່ຍອດຜູ້ເສີຍຊີວິດຢ່າງນ້ອຍ 65 ຄົນ ຕາມລາຍງານຂອງສຳນັກຂ່າວກາງເກົາຫຼີ.

ທີ່ຜ່ານມາ ກ່ອນຈະຍອມຮັບວ່າເກີດການລະບາດຂອງພະຍາດໂຄວິດ-19 ພາຍໃນປະເທດລັດຖະບານ ປຽງຍາງ ໃຊ້ເວລາກວ່າ 2 ປີເຄິ່ງໃນການປະຕິເສດໃນການຊ່ວຍເຫຼືອດ້ານວັກຊີນຈາກນາໆຊາດ ແລະ ໝັ້ນໃຈວ່າລະບົບສັງຄົມນິຍົມຂອງເກົາຫຼີເໜືອ ສາມາດປົກປ້ອງປະຊາກອນຈາກເຊື້ອພະຍາດທີ່ຂ້າຊີວິດຂອງຄົນທົ່ວໂລກກວ່າ 6 ລ້ານຄົນໄດ້.

ສະຖານະການແທ້ຈິງທີ່ກຳລັງຈະເກີດຂຶ້ນ ແລະ ມີແນວໂນ້ມທີ່ຈະຮ້າຍແຮງ  ທ່າມກາງປະຊາກອນທີ່ຍັງບໍ່ໄດ້ຮັບວັກຊີນ ສົ່ວຜົນໃຫ້ນາໆຊາດຕາງກໍສະແດງຄວາມກັງວົນວ່າ ປະສິທິພາບ ແລະ ໂຄງສ້າງພຶ້ນຖານດ້ານສາທາລະນະສຸກເກົາຫຼີເໜືອທີ່ມີຢູ່ຢ່າງຈຳກັດອາດຈະເຮັດໃຫ້ບໍ່ສາມາດຮັບມືກັບສະຖານະການໂຫດຮ້າຍທີ່ກຳລັງຈະເກີດຂຶ້ນໄດ້ ໃນຂະນະທີ່ລັດຖະບານ ປຽງຍາງ ຍັງຄົງບໍ່ຍອມເປີດຮັບຄວາມຊ່ວຍເຫຼືອຈາກຕ່າງຊາດ ເຊິ່ງອາດສົ່ງຜົນໃຫ້ທະວີຄວາມຮຸນແຮງຈົນເຂົ້າຂັ້ນວິກິດໄດ້

ແຫຼ່ງຂໍ້ມູນ:The standard