ໃນວັນທີ 23 ພຶດສະພາ ກອງທັບຣັດເຊຍໄດ້ເຈາະແນວປ້ອງກັນຂອງກອງທັບຢູເຄຣນໄດ້ໃນເມືອງໂປປາສນາ ເຮັດໃຫ້ຣັດເຊຍຍຶດທາງພາກໃຕ້ຂອງເມືອງຫວັດລູຮານໄດ້ເກືອບໝົດ, ຂະນະທີ່ກອງທັບຢູເຄຣນເຫຼືອເມືອງເອກສຸດທ້າຍຄື ເຊເວໂຣໂດ, ເນສ ແລະ ລີຊີຊານ ເຊິ່ງມີລາຍງານວ່າກອງທັບຣັດເຊຍກຳລັງພະຍາຍາມປິດລເອມຈາກ 3 ທິດທາງເໜືອ-ອອກ-ຕົກ.
ລັດຖະບານຢູເຄຣນປະຕິເສດການເຈລະຈາຢຸດຍິງ ເນື່ອງຈາກຈະເຮັດໃຫ້ຣັດເຊຍມີເວລາພັກກ່ອນຮຸກຮານ ແລະ ກະຊວງການຕ່າງປະເທດຣັດເຊຍໄດ້ລະບຸວ່າ ຍິນດີກັບໄປເຈລະຈາໄດ້ທຸກເມື່ອ ຖ້າຢູເຄຣນຕ້ອງການ, ປະມານາທິບໍດີຢູເຄຣນ ປະເມີນການສູ້ຮົບໃນດອນບາສ ວ່າເຮັດໃຫ້ມີທະຫານເສຍຊີວິດມື້ລະ 50-100 ຄົນ ແລະ ໄດ້ຮຽກຮ້ອງໃຫ້ປະຊາຄົມໂລກໃຊ້ມາດຕະການຄວ່ຳບາດຂັ້ນສູງສຸດຕໍ່ຣັດເຊຍ.
ນອກຈາກນີ້ ສານຢູເຄຣນໄດ້ຕັດສິນໃຫ້ທ້າວ ວາດິມ ຊີຊີມາລິນ ສັງກັດໃນກອງທັບຣັດເຊຍ ອາຍຸ 21 ປີ ໃຫ້ຮັບໂທດຈຳຄຸກຕະຫຼອດຊີວິດ ຫຼັງຈາກຮັບຄຳສາລະພາບວ່າຍິງສັງຫານປະຊາຊົນຢູເຄຣນໃນວັນທີ 28 ກຸມພາ.
ແຫຼ່ງຂ່າວຈາກຕ່າງປະເທດ