ເບວຢຽມ ເປັນປະເທດທຳອິດ ທີ່ອອກມາດຕະການເຂັ້ມ ຄົນທີ່ຕິດເຊື້ອຝີດາດລີງ ຕ້ອງກັກໂຕເປັນເວລາ 21 ມື້ ຫຼື 3 ອາທິດ ເພື່ອສະກັດກັ້ນບໍ່ໃຫ້ເຊື້ອໄວຣັດຝີດາດລິງລະບາດໃນປະເທດ.
ໃນວັນທີ 22 ພຶດສະພາ ເດລີ່ເມວ ໄດ້ລາຍງານວ່າ ເບວຢຽມເປັນປະເທດທຳອິດທີ່ອອກມາດຕະການບັງຄັບໃຫ້ຜູ້ທີ່ກວດຜົນຢືນຢັນຕິດເຊື້ອຝີດາດລີງ (mokeypox) ທີ່ກຳລັງລະບາດໃນຫຼາຍປະເທດໃນທະວີບເອີຣົບ ໂດຍກະຊວງສາທາລະນະສຸກໄດ້ອອກຄຳສັ່ງໃຫ້ຜູ້ທີ່ໄດ້ຮັບການກວດ ແລະ ຢືນຢັນວ່າພົບເຊື້ອຝີດາດລີງຈະຕ້ອງກັກໂຕເປັນເວລາ 21 ມື້ ຫຼື 3 ອາທິດ ເພື່ອປ້ອງກັນບໍໃຫ້ໄວຮັດແຜ່ເຊື້ອໄປຫາຜູ້ອື່ນ.
ອົງການອະນາໄມໂລກ (WHO) ລາຍງານສະຖານະການ ໄວຣັດຝີດາດລີງ ຢືນຢັນພົບຜູ້ຕິດເຊື້ອຈຳນວນ 92 ຄົນ ໃນ 12 ປະເທດຄື ອັອດສະເຕເລຍ, ເບວຢຽມ, ແຄນນາດາ, ຝຣັ່ງ, ເຢຍລະມັນ, ອີຕາລີ, ເນເທີແລນ, ປັອກຕຸຍການ, ສະເປນ, ສະວີເດັນ, ອັງກິດ ແລະ ອາເມຣິກາ.