ໃນວັນທີ 20 ພຶດສະພາ, ໃນກຸງໂຄລຳໂບ ປະເທດສີລັງກາ ນາຍົກລັດຖະມົນສີລັງກາໄດ້ເຕືອນບັນຫາການຂາດແຄນອາຫານ ແລະ ກຳລັງເຂົ້າສູ່ວິກິດເສດຖະກິດທີ່ຮ້າຍແຮງ ແລະ ໄດ້ໃຫ້ຄຳໝັ້ນວ່າລັດຖະບານຈະຊື້ປຸ໋ຍໃຫ້ພຽງພໍສຳລັບລະດູການປູກຝັງຖັດໄປເພື່ອເພີ່ມການເກັບກ່ຽວຜົນຜະລິດ.
ການຕັດສິນໃຈໃນເດືອນເມສາປີກາຍນີ້ ໂດຍອາດີດປະທານາທິບໍດີ ໂກຕາບາຍາ ຣາສປັກສາ ໄດ້ສັ່ງຫ້າມໃຊ້ປຸ໋ຍເຄມີທັງໝົດ ເຮັດໃຫ້ຜົນຜະລິດຫຼຸດລົງຫຼາຍ ແລະ ເຖິງວ່າລັດຖະບານຈະຍົກເລີກຄຳສັ່ງຫ້າມ ແຕ່ຍັງບໍ່ມີການນຳເຂົ້າຈຳນວນຫຼາຍ.
ທ່ານນາຍົກລັດຖະມົນຕີໄດ້ບອກວ່າ: ໃນຂະນະນີ້ອາດຈະບໍ່ໄດ້ຮັບປຸ໋ຍສຳລັບລະດູການເດືອນ ພຶດສະພາ-ສິງຫາ ແຕ່ຈະດຳເນີນການເພື່ອໃຫ້ແນ່ໃຈວ່າມີປຸ໋ຍຢູ່ໃນຄັງພຽງພໍໃນເດືອນກັນຍາ-ມີນາ.
