Homeຂ່າວຕ່າງປະເທດ"ໄທແອເອເຊຍ ເອັກສ" ຍື່ນຂໍຟື້ນຟູກິດຈະການ ເພື່ອດຳເນີນທຸລະກິດຕໍ່

“ໄທແອເອເຊຍ ເອັກສ” ຍື່ນຂໍຟື້ນຟູກິດຈະການ ເພື່ອດຳເນີນທຸລະກິດຕໍ່

Published on

ໃນວັນທີ 19 ພຶດສະພາ ທີ່ກຸງເທບ ໄທແອເອເຊຍ ເອັກສ (ລະຫັດທ່ຽວບິນ XJ) ສາຍການບິນທີ່ລາຄາປະຢັດໃຫ້ບໍລິການເສັ້ນທາງໄລຍະໄກ ກຽມເຂົ້າສູ່ຂະບວນການຟື້ນຟູກິດຈະການ ໂດຍຍື່ນຄຳຮ້ອງຕໍ່ສານໃນວັນທີ 17 ພຶດສະພາ ແລະ ສານໄດ້ຮັບຄຳຮ້ອງໃນວັນທີ 18 ພຶດສະພາ, ໂດຍມີເປົ້າໝາຍເພື່ອການບໍລິຫານຈັດການ ແລະ ປັບໂຄງສ້າງໜີ້ຢ່າງມີປະສິດທິພາບ ສາມາດເຕີບໂຕໄດ້ໃນອານາຄົດ ຫຼັງໄດ້ຮັບຜົນກະທົບຮຸນແຮງຈາກສະຖານະການ ການແຜ່ລະບາດຂອງໂຄວິດ-19  ການເຂົ້າສູ່ຂະບວນການດັ່ງກ່າວຈະບໍ່ກະທົບຕໍ່ການໃຫ້ບໍລິການແກ່ຜູ້ໂດຍສານ ແລະ ຍັງໃຊ້ບໍລິການໄດ້ຕາມປົກກະຕິ, ໂດຍ ໄທແອເອເຊຍ ເອັກສ ຍັງມີແຜນງານພ້ອມບິນສູ່ປະເທດເກົາຫຼີໃຕ້ ແລະ ຍີ່ປຸ່ນ ຕັ້ງແຕ່ເດືອນ ມິຖຸນາ 2022 ເປັນຕົ້ນໄປ.

ທັ້ງນີ້ການຍື່ນຟື້ນຟູກິດຈະການຂອງ ໄທແອເອເຊຍ ເອັກສ ບໍ່ມີສ່ວນກ່ຽວຂ້ອງກັບການດຳເນີນງານຂອງສາຍການບິນ ໄທແອເອເຊຍ (ລະຫັດທ່ຽວບິນ FD) ແລະ ເອວີເອຊັ່ນ (AAV) ເນື່ອງຈາກເປັນຄົນລະບໍລິສັດ ຄົນລະສາຍການບິນ.

ທ່ານ ປະລິມາ ຈີຣະແພດ ປະທານເຈົ້າໜ້າທີ່ບໍລິຫານ ສາຍການບິນ ໄທແອເອເຊຍ ເອັກສ ໄດ້ກ່າວວ່າ: ການປັບຍຸດທະສາດຂອງສາຍການບິນ ໄທແອເອເຊຍ ເອັກສ ໂດຍເຂົ້າສູ່ຂະບວນການຟື້ນຟູກິດຈະການໃນຊ່ວງນີ້ ສາມາດບໍລິຫານຈັດການເພື່ອດຳເນີນທຸລະກິດຕໍ່ໄປໄດ້ຢ່າງດີທີ່ສຸດ ໂດຍສະເພາະຢ່າງຍິ່ງໃນການບໍລິຫານພາລະໜີ້ ທີ່ເກີດຂຶ້ນໄດ້ຊ່ວງໄດ້ຮັບຜົນກະທົບຈາກສະຖານະການ ການແຜ່ລະບາດຂອງໂຄວິດ-19   ທີ່ດົນເຖິງ 2 ປີ ໂດຍເຊື່ອວ່າຈະໄດ້ຮັບການສະໜັບສະໜູນແຜນນີ້ ຈາກຜູ້ມີສ່ວນໄດ້-ເສຍທຸກຝ່າຍ.

ພາຍຫຼັງຈາກສານລົ້ມລະລາຍກາງ ມີຄຳສັ່ງໃຫ້ຟື້ນຟູກິດຈະການຂອງສາຍການບິນ ໄທແອເອເຊຍ ເອັກສ ແລ້ວ ສາຍການບິນຈະເລັ່ງເພື່ອຟື້ນຟູກິດຈະການ ຕະຫຼອດເຖິງເສີມສະພາບຄ່ອງທາງການເງິນຂອງບໍລິສັດ ແລະ ດຳເນີນທຸລະກິດຕໍ່ໄປຢ່າງເຕັມຄວາມສາມາດ.

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...