ວັນທີ 16 ພຶດສະພາ ທີ່ຜ່ານມານີ້, ອິນເດຍກຳລັງຜະເຊີນກັບ ສະພາບອາກາດທີ່ຮ້ອນຢ່າງຮຸນແຮງທີ່ສຸດ ໃນຮອບ 100 ປີ ໃນຫຼາຍພື້ນທີ່ຂອງປະເທດ ລວມທັງ ນະຄອນຫຼວງນິວແດນລີ ມີອຸນຫະພູມທີ່ຫຼາຍກວ່າ 40 ອົງສາ ແລະ ເຮັດໃຫ້ມີຜູ້ເສຍຊີວິດຍ້ອນອາກາດທີ່ຮ້ອນເກືອບ 30 ຄົນ.
ສຳນັກງານ ອຸຕຸນິຍົມວິທະຍາ ຂອງອິນເດຍ ລາຍງານວ່າ: ຄື້ນຄວາມຮ້ອນທີ່ໄດ້ແຜ່ເຂົ້າມາປົກຄຸມໄປທາງພາກເໜືອຂອງອິນເດຍ ສົ່ງຜົນໃຫ້ອຸນຫະພູມຂຶ້ນສູງເຖິງ 45 ອົງສາ ໃນລັດ ຣາຊາຖານ (Rajasthan) ຈຶ່ງໄດ້ໃຫ້ເຈົ້າໜ້າທີ່ທາງການ ນຳເອົາລົດຊີດນ້ຳ ຈຳນວນ 4 ຄັນ ອອກມາພົ່ນນ້ຳ ເພື່ອຫຼຸດຜ່ອນຄວາມຮ້ອນຮຸນແຮງໃນຄັ້ງນີ້.
ໃນອາກາດທີ່ຮ້ອນຮຸນແຮງແບບນີ້ ເປັນສາເຫດທີ່ເຮັດໃຫ້ ຜົນຜະລິດຊາວກະຊິກຳເສຍຫາຍ ແລະ ຕາຍເປັນຈຳນວນຫຼວງຫຼາຍ.
