ໃນວັນທີ 16 ທີ່ກຸງໂຄລຳໂບ ປະເທດສີລັງກາ, ນາຍົກລັດຖະມົນຕີຄົນໃໝ່ຂອງສີລັງກາໄດ້ກ່າວວ່າ: ເມື່ອວັນຈັນປະເທດໄດ້ຮັບຜົນກະທົບຈາກວິກິດການເງິນເຟີ້ ແລ້ວຕ້ອງໄດ້ໃຊ້ນ້ຳມັນເປັນມື້ສຸດທ້າຍ.
ທ່ານ ລານິນ ວິກຳສິງເຫ (Ranil Wickremesinghe) ໄດ້ຮັບການແຕ່ງຕັ້ງເປັນນາຍົກລັດຖະມົນຕີຄົນໃໝ່ໃນວັນພະຫັດທີ່ຜ່ານມານີ້ ແລ້ວໄດ້ກ່າວໃນການປະລາໄຊຂອງປະເທດຊາດວ່າ ປະເທດຕ້ອງການແລກປ່ຽນເງິນຕາຕ່າງປະເທດ ຈຳນວນ 75 ລ້ານໂດລາ ເພື່ອທີ່ຈະນຳເຂົ້າສິນຄ້າທີ່ຈຳເປັນ ແລະ ມີນ້ຳມັນສຳຮອງໃຫ້ໃສ່ພຽງມື້ດຽວ.
ປະເທດຈະມີນ້ຳມັນກາຊວນ ແລະ ແອັດຊັງ ໂດຍໃຊ້ສິນເສື້ອຈາກອິນເດຍເພື່ອສາມາດສະໜອງນ້ຳມັນໄດ້ອີກ 2-3 ມື້, ແຕ່ປະເທດຍັງປະເຊີນກັບການຂາດແຄນຢາຈຳເປັນຫຼາຍຊະນິດ.
ປະຊາຊົນໄດ້ມີການຕໍ່ແຖວເພື່ອເຕີມນ້ຳມັນເຊື້ອໄຟເປັນເວລາ 6-7 ຊົ່ວໂມງ ເຊິ່ງເປັນເວລາທີ່ດົນທີ່ສຸດ.
ປະເທດຂາດເງິນຕາຕ່າງປະເທດ ເຮັດໃຫ້ອັດຕາເງິນເຟີ້ຮຸນແຮງ ແລະ ຂາດແຄນຢາ, ນ້ຳມັນເຊື້ອໄຟ ແລະ ເຄື່ອງໃຊ້ຈຳເປັນອື່ນໆ, ເຮັດໃຫ້ຫຼາຍຄົນອອກມາປະທ້ວງ.
ເນື່ອງຈາກວິກິດການດັ່ງກ່າວ ໄດ້ພາໃຫ້ເກີດການປະທ້ວງແຜ່ຫຼາຍ ຈົນເຮັດໃຫ້ເກີດມີການລາອອກຂອງນາຍົກລັດຖະມົນຕີຄົນກ່ອນໃນອາທິດແລ້ວນີ້, ໃນລະຫວ່າງການຕໍ່ສູ້ກັນຂອງກຸ່ມສະໜັບສະໜູນລັດຖະບານ ແລະ ຜູ້ປະທ້ວງ ໄດ້ຂ້າຄົນໄປ 9 ຄົນ ແລະ ບາດເຈັບອີກ 300 ຄົນ.
ເຊິ່ງອະດີດລັດຖະມົນຕີກະຊວງການເງິນ ໄດ້ມີການເຈລະຈາໃນເບື້ອງຕົ້ນກັບຜູ້ໃຫ້ກູ້ຢືມຫຼາຍຝ່າຍ, ແຕ່ລາວໄດ້ລາອອກພ້ອມກັບ ມະຮິນດາ ລາສປາກຊາ (Mahinda Rajapaksa) ໃນອາທິດແລ້ວນີ້.