ໂລກກຳລັງຂາດແຄນ ເຂົ້າສາລີ, ເນື່ອງມາຈາກອິນເດຍອອກຄຳສັງຫ້າມສົ່ງອອກເຂົ້າສາລີ ແລະ ມີຜົນໃນວັນທີ 14 ພຶດສະພານີ້ ຫຼັງລັດຖະບານໄດ້ຕັ້ງເປົ້າທີ່ຈະທຳລາຍສະຖິຕິສົ່ງອອກໃນປີນີ້ ແຕ່ເນື່ອງຈາກວ່າອາກາດຮ້ອນຫຼາຍຈົນທຳລາຍຜົນຜະລິດເສຍຫາຍ ເຮັດໃຫ້ລາຄາເຂົ້າສາລີໃນທ້ອງຖິ່ນຂຶ້ນສູງສຸດ.

ອະທິການບໍດີການຄ້າຕ່າງປະເທດຂອງອິນເດຍ ໄດ້ກ່າວວ່າ: ການສົ່ງອອກຍັງໄດ້ຮັບອະນຸຍາດໃຫ້ສົ່ງອອກໄປຫາປະເທດທີ່ຕ້ອງການເຂົ້າສາລີ.

ລາຄາອາຫານ ແລະ ພະລັງງານທີ່ຂຶ້ນສູງສົ່ງຜົນໃຫ້ອັດຕາເງິນເຟີ້ຂາຍຍ່ອຍປະຈຳປີຂອງອິນເດຍ ສູງສຸດໃນຮອບ 8 ປີໃນເດືອນເມສານີ້ ສົ່ງຜົນໃຫ້ນັກເສດຖະສາດເບິ່ງວ່າ ທະນາຄານກາງຈະຕ້ອງຂຶ້ນອັດຕາດອກເບ້ຍເພື່ອຄວບຄຸມລາຄາ.

ລາຄາເຂົ້າສາລີໃນອິນເດຍເພີ່ມຂຶ້ນເຖິງ 25.000 ຣູປີຕໍ່ມື້, ຍ້ອນອຸນຫະພູມທີ່ສູງຂຶ້ນຢ່າງໄວ ເຮັດໃຫ້ຜົນຜະລິດຈະເກັບກ່ຽວໄດ້ໜ້ອຍລົງຈາກທີ່ເມີນໄວ້ 100 ລ້ານໂຕນ.