ສ.ອາເມຣິກາ ຈະຊ່ວຍພັດທະນາອາຊຽນ 150 ລ້ານໂດລາສະຫະລັດ, ວັນທີ13 ພຶດສະພານີ້, ໄດ້ມີການປະຊຸມສຸດຍອດພິເສດ ສະຫະລັດ-ອາຊຽນ ທີ່ວໍຊິງຕັນ ທ່ານ ໂຈໄບ ເດັນ ປະທານາທິບໍດີ ສ.ອາເມຣິກາ ໄດ້ໃຫ້ການ ຕ້ອນຮັບ ແລະ ພົບປະກັບບັນດາຜູ້ນຳ 8 ປະເທດ ສະມາຊິກອາຊຽນ ທີ່ທຳນຽບຂາວ ຂອງ ສ.ອາເມຣິກາ ແລະ ໄດ້ໃຫ້ຄຳໝັ້ນ ສັນຍາ ຈະສະໜັບ ສະໜູນ ອາຊຽນ 150 ລ້ານໂດລາ ສະຫະລັດ ເພື່ອການພັດທະນາ ພື້ນຖານ ໂຄງລ່າງ, ຄວາມໝັ້ນຄົງ ແລະ ການກຽມ ຄວາມພ້ອມ ຮັບມື ວິກິດກັບ ໂລກລະບາດ ໂຄວິດ-19.
ຂະນະທີ່ ທ່ານ ໂຈໄບເດັນ ແລະ ພາກສ່ວນ ທີ່ກ່ຽວຂ້ອງ ພວມເຮັດວຽກ ກ່ຽວກັບຂອບການຮ່ວມມື ເສດຖະກິດ ອິນໂດ-ປາຊີຟິກ (IPEF) ແຕ່ຍັງບໍ່ທັນລົງເລິກດ້ານລາຍລະອຽດ ແຕ່ຫຼາຍຝ່າຍ ເຊື້ອໝັ້ນວ່າ ຈະເປີດຕົວ ຂອບການຮ່ວມມືນີ້ ລະຫວ່າງ ການເດີນທາງ ຢ້ຽມຢາມ ຍີ່ປຸ່ນ ແລະ ສ.ເກົາຫລີ ໃນໄລຍະ ທ້າຍເດືອນນີ້.
ແຫຼ່ງຂ່າວຈາກ ສຳນັກຂ່າວຕ່າງປະເທດ