ສຳນັກຂ່າວ ຣອຍເຕີ ໄດ້ລາຍງານວ່າ, ໃນວັນພະຫັດ ທີ່ຜ່ານມານີ້ ລັດຖະມົນຕີກະຊວງການເງິນ ໄດ້ກ່າວວ່າ: ຢູເຄຣນ ໄດ້ໃຊ້ເງິນຫຼາຍກວ່າ 8.3 ພັນລ້ານໂດລາສະຫະລັດ ໃນການເຮັດສົງຄາມກັບຣັດເຊຍ ແທນທີ່ຈະໃຊ້ໄປພັດທະນາປະເທດ.

ທັ້ງນີ້ ຢູເຄຣນ ບໍ່ເຄີຍເປີດເຜິຍຂໍ້ມູນຈຳນວນເງິນ ເຊິ່ງເຮັດໃຫ້ເຫັນເຖິງການເລື່ອມລ້ຳທາງເສດຖະກິດທີ່ຢູເຄຣນກຳລັງດຳເນີນຢູ່, ຂະນະທີ່ທະຫານຕໍ່ຕ້ານການການຮຸກຮານຂອງຣັດເຊຍ ໃນພາກຕາເວັນອອກຂອງປະເທດ.

ໃນການໃຊ້ຈ່າຍນີ້ ໄດ້ໃຊ້ງົບປະມານເພື່ອການພັດທະນາປະເທດຂັ້ນຕົ້ນ ໄດ້ໃຊ້ງົບເພື່ອຊື້ອາວຸດ ແລະ ໃຊ້ໃນການຊ່ວຍເຫຼືອຜູ້ອົບພະຍົບ ຫຼື ລີ້ໄພ ຫຼາຍກວ່າ 2.7 ລ້ານຄົນ .

ຢູເຄຣນ ຈຳເປັນຕ້ອງໄດ້ຮັບການສະໜັບສະໜູນຈາກຕ່າງປະເທດ ເພື່ອລະດົມທຶນໃນການໃຊ້ຈ່າຍໃນເສດສຸກເສີນຕ່າງໆ. ເຊິ່ງຢູເຄຣນ ໄດ້ຮັບເງິນຈາກພາຍນອກປະມານ 2 ພັນລ້ານໂດລາໃນເດືອນເມສານີ້, 719 ລ້ານໂດລາ ມາຈາກທຶນສະໜັບສະໜູນ. ໃນເດືອນກຸມພານີ້ໄດ້ປະມານ 5.4 ພັນລ້ານໂດລາ, ລວມເຖິງເງິນທີ່ໄດ້ຮັບການຊ່ວຍເຫຼືອອີກ 801 ລ້ານໂດລາ.

Marchenko ໄດ້ກ່າວເພີ່ມອີກວ່າ: ” ຫາກບໍ່ຄຳນຶງເຖິງຄວາມຊ່ວຍເຫຼືອຈາກຕ່າງປະເທດ ລາຍຮັບຂອງປະເທດຈະໄດ້ໃນເດືອນ ພຶດສະພາ-ມິຖຸນາ ຢູ່ລະດັບ 45-50% ທີ່ວາງແຜນໄວ້ ໂດຍທີ່ສະຖານະການຈະບໍ່ຮ້າຍແຮງໄປກວ່ານີ້”