ຍີ່ປຸ່ນ ເລີ່ມປັບມື້ເຮັດວຽກຂອງພະນັກງານ ເຮັດວຽກ 4 ມື້ ພັກ 3 ມື້ ໃຫ້ພະນັກງານໄດ້ມີຄວາມສົມດຸນ ໃນຊີວິດສ່ວນຕົວ ແລະ ຄອບຄົວທີ່ດີຂຶ້ນ.
ຫຼາຍບໍລິສັດໄດ້ເລີ່ມໃຫ້ພະນັກງານເຮັດວຽກ 4 ມື້ ພັກ 3 ມື້ ເພື່ອໃຫ້ພະນັກງານໄດ້ມີເວລາເພີ່ມທັກສະອື່ນໆ ມີເວລາພັກຫຼາຍຂື້ນ ເພື່ອປ້ອງກັນການລາອອກຈາກວຽກທີ່ໜັກເກີນໄປ.
ເລີ່ມຈາກ Panasonic Holding Corporation ເປັນບໍລິສັດລ່າສຸດທີ່ໃຫ້ເຮັດວຽກ 4 ມື້ ພັກ 3 ມື້ ໂດຍບໍລິສັດຈະໃຫ້ພະນັກງານບາງຄົນມີທາງເລືອກ.
Panasonic ໄດ້ເລີ່ມໂຄງການທົດລອງນີ້ ຮ່ວມກັບບໍລິສັດອື່ນໆເຊັ່ນ: ກຸ່ມບໍລິສັດ Hitachi Ltd, Mizuho Financial Group Inc. ແລະ Fast Retailing Co. ເຊິ່ງເປັນບໍລິສັດທີ່ຜະລິດເສື້ອ Uniqlo.
ທ່ານ ຢູກິ ຄູຊູມິ ປະທານຂອງ Panasonic ໄດ້ກ່າວວ່າ: “ເປັນຄວາມຮັບຜິດຊອບຂອງເຮົາທີ່ຈະຕ້ອງສ້າງສົມດຸນລະຫວ່າງຊີວິດສ່ວນຕົວ ແລະ ຊີວິດການເຮັດວຽກ ໃຫ້ກັບພະນັກງານທີ່ມີຄວາມຫຼາກຫຼາຍ”.
ເຖິງຢ່າງໄດກໍຕາມ ຍັງມີຄົນຄິດຕ່າງອອກໄປຄື ບໍ່ຕ້ອງພັກ 3 ມື້ຫາກຖືກຫັກຄ່າແຮງງານ ບາງບໍລິສັດທີ່ບໍ່ມີພະນັກງງານພຽງພໍ ອາດຈະເຮັດໃຫ້ວຽກຫຼາຍເກີນໄປ ແລະ ບໍ່ສາມາດເຮັດວຽກໄດ້ທັນ.
ແຫຼ່ງຂ້າວຈາກ ເຈແປນທາມ