ກອງກຳລັງຮັກສາຄວາມສະຫງົບຂອງສີລັງກາ ໄດ້ສັ່ງຍິງໃສ່ພວກຝ່າຝືນກົດໝາຍ ເພື່ອສະກັດກັ້ນການປະທ້ວງຕໍ່ຕ້ານລັດດຖະບານ.
ກຸ່ມປະທ້ວງຮຽກຮ້ອງໃຫ້ ປະທານາທິບໍດີ ດີໂກຕາບາຢາ ລາດສປັກຊາ (Gotabaya Rajapaksa) ອອກຈາກຕຳແໜ່ງຍ້ອນວິກິດການເສດຖະກິດທີ່ຮ້າຍແຮງທີ່ສຸດໃນປະຫວັດສາດ.
ໃນວັນຈັນນັ້ນ, ມະຮິນດາ ລາດສປັກຊາ (Mahinda Rajapaksa) ໄດ້ລາອອກຈາກຕຳແໜ່ງນາຍົກລັດຖະມົນຕີ ແຕ່ການລາອອກນີ້ ບໍ່ໄດ້ຊ່ວຍໃຫ້ເກີດຄວາມສະຫງົບຂຶ້ນ ແລະ ຄວາມຮຸນແຮງກໍຍັງເກີດຂຶ້ນ.
ໃນວັນອັງຄານ, ລັດຖະບານສັ່ງໃຫ້ຍິງໃສ່ຄົນທີ່ປຸ້ນສະດົມຊັບສິນສາທາລະນະ.
ຕຳຫຼວດໄດ້ລາຍງານວ່າ ມີຜູ້ເສຍຊີວິດ 8 ຄົນ ແລະ ມີຜູ້ໄດ້ຮັບບາດເຈັບຫຼາຍກວ່າ 200 ຄົນ, ບາງຄົນໄດ້ຮັບບາດເຈັບຈາກກຸ່ມປະທ້ວງທີ່ສະໜັບສະໜູນລັດຖະບານ ບາງຄົນໄດ້ຮັບບາກເຈັບຍ້ອນຕຳຫຼວດຍິງແກັສນ້ຳຕາໃສ່ຝູງຊົນ.
ເຊິ່ງໃນໂຄລຳໂບນັ້ນ ເຕັມໄປດ້ວຍຄວາມວຸ່ນວາຍ ມີລົດເມຖືກຖິ້ມລົງໃນທະເລສາບ, ຖືກທຸບໃຫ້ພັງ ແລະ ເຜົາໄໝ້.
ແຫຼ່ງຂ່າວຈາກ ບີບີຊີ