ໃນວັນທີ 7 ຜ່ານມານີ້, ທີ່ກຸງໂຄລຳໂບ ນະຄອນຫຼວງ ແລະ ເມືອງສຳຄັນທາງການຄ້າຂອງສີລັງກາມີຄວາມສະຫງົບຫຼັງຈາກປະທານາທິບໍດີຂອງສີລັງກາ ດີໂກຕາບາຢາ ລາດສປັກຊາ ປະກາດພາວະສຸກເສີນ ພາຍຫຼັງປະທ້ວງຕໍ່ຕ້ານລັດຖະບານທະວີຄວາມຮຸນແຮງຂຶ້ນ.
ພາຍໃຕ້ການປະກາດສຸກເສີນລ່າສຸດນີ້ ຍັງບໍ່ມີການເປີດເຜີຍຕໍ່ສາທາລະນະ ແຕ່ປະກາດສຸກເສີນທີ່ຜ່ານມານັ້ນປະທານາທິບໍດີມີອຳນາດໃນການສົ່ງທະຫານອອກປະຕິບັດໜ້າທີ່ໃນການຄວບຄຸມ ແລະ ການເຂົ້າສະຫຼາຍການຊຸມນຸມ, ທຳນຽບປະທານາທິບໍດີສີລັງກາ ໄດ້ກ່າວວ່າ: ປະທານາທິບໍດີຕັດສິນໃຈປະກາດສຸກເສີນ ໂດຍພິຈາລະນາຈາກສະຖານະການໃນສີລັງກາ ແລະ ເພື່ອໃຫ້ເປັນປະໂຫຍດຕໍ່ຄວາມໝັ້ນຄົງຂອງສາທາລະນະ, ການປ້ອງກັນຄວາມສະຫງົບ ແລະ ເພື່ອໃຫ້ຍັງຄົງມີເຄື່ອງໃຊ້ສອຍ ແລະ ການບໍລິການທີ່ຈຳເປັນສຳລັບປະຊາຊົນ, ຂະນະນີ້ຍັງບໍ່ມີລາຍງານວ່າເກີດຄວາມວຸ່ນວາຍໃນຊ່ວງເດິກ ຫຼັງມີການປະກາດພາວະສຸກເສີນຕອນທ່ຽງຄືນ.
ໃນຂະນະທີ່ການພິຈາລະນາບໍລິເວນແກວເລ ໃນກຸງໂຄລຳໂບ ຍັງດຳເນີນໄປຕາມປົກກະຕິ ຫຼັງຈາກທີ່ກ່ອນໜ້ານີ້ມີການເດີນຂະບວນ ແລະ ປະທ້ວງຕໍ່ຕ້ານລັດຖະບານ ສ່ວນຈຸດຈັດການປະທ້ວງຫຼັກແມ່ນຢູ່ດ້ານນອກສຳນັກງານເລຂາທິການປະທານາທິບໍດີ ມີປະຊາຊົນປະມານ 100 ຄົນ ຮວມຕົວກັນຕໍ່ຕ້ານລັດຖະບານ ໂດຍບໍ່ສົນໃຈການປະກາດສະຖານະການສຸກເສີນ ແລະ ມີລົດທີ່ຜ່ານມານັ້ນກໍໄດ້ບີບແກ ເພື່ອເປັນສັນຍາລັກສະໜັບສະໜູນການປະທ້ວງ.