ໃນວັນອາທິດທີ່ຜ່ານມານີ້, ສະຕີໝາຍເລກໜຶ່ງຂອງສະຫະລັດອາເມຣິກາ ຈິວ ໄບເດັນ ໄດ້ໄປຢ້ຽມຢາມຢູເຄຣນ ໂດຍບໍ່ໄດ້ແຈ້ງລ່ວງໜ້າ, ເພື່ອໄປພົບກັບ ສະຕີໝາຍເລກໜຶ່ງຂອງຢູເຄຣນ ໂອເລນາ ເຊເລນສະກາ.
ຈິວ ໄບເດັນ ໄດ້ໃຊ້ຊ່ວງເວລາໃນການຢ້ຽມຢາມ ປະເທດໂຣມາເນຍ ແລະ ສະໂລວາເກຍ ລາວໄດ້ເດີນທາງໄປພົບກັບ ເຊເລນສະກາ ທີ່ຢູເຄຣນເຊິ່ງຢູ່ກັບລູກທັງສອງທີ່ໄດ້ຮັບການປ້ອງກັນຈາກທະຫານຢູເຄຣນຢ່າງເຕັມທີ່ ທີ່ໂຮງຮຽນເຊິ່ງໄດ້ປ່ຽນເປັນບ່ອນພັກຊົ່ວຄາວຂອງຢູເຄຣນ ທີ່ອົບພະຍົບໜີຈາກສົງຄາມຣັດເຊຍບຸກຢູເຄຣນໃນບ່ອນອື່ນໆຂອງປະເທດ.
ຈິວ ໄບເດັນ ໄດ້ມອບຊໍ່ດອກໄມ້ໃຫ້ ເຊເລນສະກາ ແລະ ໄດ້ກອດ ແລ້ວໂອ້ລົມກັນ, ໂດຍ ໄບເດັນ ເລືອກວັນແມ່ແຫ່ງຊາດ ຕາມເວລາຂອງສະຫະລັດ ໃນການຢ້ຽມຢາມຢູເຄຣນເພື່ອພົບກັບ ສະຕີໝາຍເລກໜຶ່ງຢູເຄຣນ ແລະ ເປັນເລື່ອງທີ່ສຳຄັນຫຼາຍທີ່ຈະສະແດງໃຫ້ຄົນຢູເຄຣນເຫັນວ່າສົງຄາມຄວນຢຸດຕິລົງ, ສົງຄາມນີ້ ມີແຕ່ຄວາມຮຸນແຮງ ແລະ ຄົນອາເມຣິກາຈະຢູ່ຄຽງຂ້າງກັບປະຊາຊົນຊາວຢູເຄຣນ.
ສະຕີໝາຍເລກໜຶ່ງຢູເຄຣນໄດ້ກ່າວວ່າ: “ປະຊາຊົນຢູເຄຣນ ໄດ້ຮັບຮູ້ເຖິງແຮງສະໜັບສະໜູນຈາກສະຫະລັດ ແລະ ຂອບໃຈໃນການມາຢ້ຽມຢາມຢູເຄຣນໃນພາລະສົງຄາມທີ່ເກີດຂຶ້ນຢູ່ແບບນີ້”.
ໃນການຢ້ຽມຢາມຂອງສະຕີໝາຍເລກໜຶ່ງ ເປັນເລື່ອງບໍ່ປົກກະຕິ ແລະ ບໍ່ຄ່ອຍເກີດຂຶ້ນ, ໂດຍລ່າສຸດນັ້ນຄື ກັນຢ້ຽມຢາມຖານທັບອາກາດກາຕາຂອງ ມິເຊວ ໂອບາມາ ໃນປີ 2015 ແລະ ການຢ້ຽມຢາມອັຟການິສະຖານຂອງ ລໍຣາ ບຸດສ ອາດີດສະຕີໝາຍເລກໜຶ່ງ ຂອງປີ 2005-2008.
ແຫຼ່ງຂ່າວຈາກ ເອພີ