ແຈ້ງການຈາກຫ້ອງວ່າສຳນັກງານນາຍົກລັດຖະມົນຕີ ໄດ້ມີການເຈລະຈາຊື້ນ້ຳມັນເຊື້ອໄຟລາຄາຍ່ອມເຍົາຈາກປະເທດຣັດເຊຍ ເພື່ອຫຼຸດຕົ້ນທຶນການນຳເຂົ້ານ້ຳມັນເຊື້ອໄຟ.
ທ່ານນາຍົກລົກຖະມົນຕີ ໄດ້ແຈ້ງການຊີ້ນຳ ເຫັນດີກຕາມການສະເໜີຂອງກະຊວງການເງິນຄື:
- ໃຫ້ກະຊວງອຸດສາຫະກຳ ແລະ ການຄ້າ ເປັນໃຈກາງສົມທົບກັບກະຊວງການເງິນ ແລະ ພາກສ່ວນກ່ຽວຂ້ອງ ຄົ້ນຄວ້າກົນໄກການນຳເຂົ້າເຊື້ອໄຟ ຜ່ານບໍລິສັດໃດໜຶ່ງໃນການເຈລະຈາຕໍ່ລອງຊື້ນ້ຳມັນ, ໃຫ້ສາມາດລວມສູນໃນການນຳເຂົ້າ ແລະ ແຈກຢາຍນ້ຳມັນເຊື້ອໄຟເຊັ່ນ: ໃຫ້ລັດວິສະຫະກິດນ້ຳມັນເຊື້ອໄຟ ຮ່ວມກັບບໍລິສັດ ນ້ຳມັນເຊື້ອໄຟເອກະຊົນຈຳນວນໜຶ່ງ ຕັ້ງເປັນບໍລິສັດນ້ຳມັນເຊື້ອໄຟແຫ່ງຊາດ ເພື່ອນຳເຂົ້າ ແລະ ແຈກຢາຍນ້ຳມັນເຊື້ອໄຟ ໃຫ້ມີຄວາມຄ່ອງຕົວ, ກວດກາ ແລະ ສະດວກໃນການຕິດຕາມການເກັບລາຍຮັບ, ພ້ອມທັງເຈລະຈາຊື້ນ້ຳມັນເຊື້ອໄຟ ລາຄາຍ່ອມເຍົາຈາກປະເທດຣັດເຊຍ ເພື່ອຫຼຸດຕົ້ນທຶນການນຳເຂົ້ານ້ຳມັນເຊື້ອໄຟ.
- ໃຫ້ກະຊວງການເງິນ ສົມທົບກັບທະນາຄານແຫ່ງ ສປປ ລາວ ແລະ ພາກສ່ວນກ່ຽວຂ້ອງ ຄົ້ນຄວ້າກົນໄກການຄຸ້ມຄອງອັດຕາແລກປ່ຽນເງິນຕາຕ່າງປະເທດ ແລະ ສະໜອງເງິນຕາຕ່າງປະເທດໃຫ້ພຽງພໍ ເພື່ອຮັບປະກັນ ໃຫ້ມີນ້ຳມັນເຊື້ອໄຟພຽງພໍກັບຄວາມຕ້ອງການ ແລ້ວລາຍງານທ່ານນາຍົກລັດຖະມົນຕີ ມີທິດຊີ້ນຳໃນເວລາອັນຄວນ.