ຊາວກະຊິກຳໃນໄທໄດ້ຮັບຜົນກະທົບ ຈາກນະໂຍບາຍປອດໂຄວິດຂອງຈີນ, ເຮັດໃຫ້ຍອດຂາຍຕົກ ເນື່ອງຈາກມີການກວດສອບທີ່ເຂັ້ມງວດຂຶ້ນ.
ຈີນໄດ້ລັອກດາວເມືອງໃຫຍ່ຢ່າງຕໍ່ເນື່ອງເນື່ອງຈາກຜົນກະທົບທີ່ອາດຈະເພິ່ມຂຶ້ນ.
ໃນວັນທີ 26 ເມສາ ຈີນປິດດ່ານ ໂມຫານ (Mohan) ໃນມົນທົນຢຸນນານ (Yunnan) ຊາຍແດນຕິດກັບລາວ, ຫຼັງຈາກທີ່ໄດ້ພົບໄວຣັສໃນບັນຈຸພັນທຸລຽນຂອງໄທ ເຊິ່ງເປັນເທື່ອທີ 2 ໃນເດືອນເມສາ ທີ່ຈີນໄດ້ປະກາດປິດຊາຍແດນ ຫຼັງຈາກພົບໄວຣັສໃນບັນຈຸພັນທຸລຽນຂອງໄທ. ສົ່ງຜົນໃຫ້ທຸລຽນທີ່ບໍ່ສາມາດສົ່ງໄປຈີນໄດ້ນັ້ນເນົ່າ ແລະ ເຮັດໃຫ້ຜູ້ທີ່ປູກທຸລຽນຂາດທຶນມາຫາສານ.
ສົມຊາຍ ຊຸມນວນ ຜູ້ປູກທຸລຽນ ໄດ້ກ່າວວ່າ: “ຊາວກະສິກຳຕ້ອງການຄວາມຊ່ວຍເຫຼືອຢ່າງຮີບດ່ວນຈາກລັດຖະບານ, ເນື່ອງຈາກບໍ່ສາມາດຂາຍທຸລຽນອອກໄດ້”.
ໃນປີນີ້ຈີນມີການກວດສອບຢ່າງເຂັ້ມງວດ ເຮັດໃຫ້ໄທບໍ່ສາມາດສົ່ງຜົນຜະລິດໄປຈີນໄດ້ ເຮັດໃຫ້ລາຄາທຸລຽນຕ່ຳລົງ ແລະ ຈະຍັງຄົງຕ່ຳລົງອີກ.
ແຫຼ່ງຂ່າວຈາກ ນິກເຄອິ