ຫຼັງຈາກຕຶກຖະລົ່ມ ທີ່ເມືອງສັງຊາ ປະເທດຈີນ ໄດ້ພົບຜູ້ເສຍຊີວິດເພິ່ມຂຶ້ນເປັນ 26 ຄົນ ແລະ ກູ້ໄພສາມາດຊ່ວຍຜູ້ຍິງຄົນໜຶ່ງ ທີ່ຕິດຢູ່ພາຍໃນເສດຕຶກຖະລົ່ມດົນເຖິງ 6 ມື້.
ໃນອາທິດທີ່ຜ່ານມານີ້, ທາງຈີນໄດ້ພົບຜູ້ເສຍຊີວິດໃນເຫດຕຶກອາຄານສູງ 6 ຊັ້ນ ພັງຖະລົ່ມທີ່ ເມືອງສັງຊາ, ໃນວັນພະຫັດ ທີ 5 ນີ້ໄດ້ພົບຜູ້ເສຍຊີວິດເພິ່ມຂຶ້ນ ແລະ ໃນຊ່ວງເຊົ້າມືດຂອງວັນທີ 5 ພຶດສະພາ ກໍໄດ້ພົບຜູ້ຍິງຄົນໜຶ່ງທີ່ຕິດຢູ່ໃນເສດຕຶກຖະລົ່ມທີ່ດົນເຖິງ 132 ຊົ່ວໂມງ ຫຼື ເກືອບ 6 ມື້.
ຜູ້ຍິງທີ່ລອດຊີວິດນີ້ ຖືກຊ່ວຍອອກມາໄດ້ໃນເວລາກາງຄືນວັນພຸດ, ໂດຍລາວຍັງມີສະຕິຢູ່ໃນຂະນະທີ່ເຈົ້າໜ້າທີ່ໄດ້ຂຸດຫາ ແລະ ຫາວິທີນຳຕົວລາວອອກມາ.
ຕອນນີ້ ເຈົ້າໜ້າທີ່ທີ່ສືບສວນຂອງຈີນ ໄດ້ຈັບຕົວຜູ້ທີ່ຕ້ອງຮັບຜິດຊອບໃນເຫດການຄັ້ງນີ້ແລ້ວຢ່າງໜ້ອຍ 9 ຄົນ ລວມເຖິງເຈົ້າຂອງອາຄານ ແລະ ອີກ 3 ຄົນ ທີ່ຮັບຜິດຊອບໃນເລື່ອງການກໍ່ສ້າງອາຄານ, ນອກຈາກນີ້ຍັງມີຄົນຖືກຈັບອີກ 5 ຄົນໃນສະຖານຂຽນລາຍງານຂໍ້ເທັດຈິງເລື່ອງຄວາມປອດໄພໃນອາຄານນີ້.
ແຫຼ່ງຂ່າວຈາກ ຊີບີເອສ