ໃນວັນທີ 5 ພຶດສະພາ, ກາບູນໄດ້ເກີດເຫດຝົນຕົກໜັກ ແລະ ນ້ຳຖ້ວມຄັ້ງໃຫຍ່ໃນ 12 ແຂວງ ເຮັດໃຫ້ມີຜູ້ເສຍຊີວິດ 22 ຄົນ ແລະ ບາດເຈັບ 40 ຄົນ ໂດຍສະເພາະແມ່ນຢູ່ພາກຕາເວັນຕົກແຂວງແບດກິສ (Badgis) ແລະ ຟາຢັບ (Farjab) ແລະ ແຂວງແບກລັນ (Baghlan) ຢູ່ທາງພາກເໜືອຂອງປະເທດ.
ເຈົ້າໜ້າທີ່ຂອງຕະລີບັນໄດ້ກ່າວວ່າ: ກຳລັງຫາທາງເພື່ອຮັບມືກັບໄພພິບັດທີ່ສົ່ງຜົນກະທົບຫຼາຍກວ່າ 3 ແຂວງ ແລະ ຈະຕິດຕໍ່ຂໍຄວາມຊ່ວຍເຫຼືອຈາກອົງກອນຊ່ວຍເຫຼືອສາກົນ.
ນອກຈາກນີ້ຍັງມີເຮືອນ 500 ຫຼັງທີ່ຖືກທຳລາຍ, ມີ 2.500 ຫຼັງ ທີ່ໄດ້ຮັບຜົນກະທົບເສຍຫາຍ, ມີສັດລ້ຽງຕາຍ 300 ໂຕ ແລະ ຜົນຜະລິດກະສິກຳເສຍຫາຍກວ່າ 3.000 ເຮັກຕາ.
ຂະນະນີ້ ຄະນະກຳມະການກາແດງສາກົນ ພວມເລັ່ງໃຫ້ການຊ່ວຍເຫຼືອ ຜູ້ເຄາະຮ້າຍຈາກໄພພິບັດໃນຄັ້ງນີ້.
ແຫຼ່ງຂ່າວຈາກ ນິວຢອກໂພດສ