ຕຳຫຼວດຈີນຈັບຜູ້ກະທຳຜິດ 9 ຄົນທີ່ຄິດວ່າເປັນສາເຫດການຖະລົ່ມຂອງຕຶກອາຄານ 6 ຊັ້ນທີ່ເມືອງສັງຊາ ເມື່ອວັນສຸກທີ່ຜ່ານມາ ຂະນະທີ່ໜ່ວຍກູ້ໄພຍັງຄົ້ນຫາຜູ້ລອດຊີວິດທີ່ຕິດຢູ່ໃນເສດຕຶກອາຄານ.

ໃນວັນອາທິດທີ 1 , ຕຳຫຼວດຈີນໄດ້ເລັ່ງດຳເນີນການຈັບຜູ້ທີ່ເປັນສາເຫດການຖະລົ່ມຂອງຕຶກອາຄານ ທີ່ເມືອງສັງຊາ ໃນມົນທົນຫູໜານ ເຊິ່ງພັງຖະລົ່ມໃນວັນສຸກທີ່ຜ່ານມານີ້ ລວມເຖິງອີກ 3 ຄົນທີ່ຮັບຜິດຊອບໃນເລື່ອງການກໍ່ສ້າງອາຄານ, ນອກນັ້ນຍັງມີຜູ້ຖືກຈັບອີກ 5 ຄົນໃນສະຖານກະທຳຜິດກ່ຽວກັບການຂຽນບົດລາຍງານຂໍ້ເທັດຈິງເລື່ອງຄວາມປອດໄພຂອງຕຶກອາຄານນີ້.

ຕອນນີ້ຍັງບໍ່ມີການເປີດເຜີຍສາເຫດທີ່ເຮັດໃຫ້ຕຶກອາຄານຖະລົ່ມ ໂດຍວັນເສົານີ້ ປະທານາທິບໍດີ ສີ ຈິ້ນຜິງ ອອກຄຳສັ່ງສືບສວນສາເຫດ ແລະ ຫາຊັບພະຍາກອນທີ່ຈະມາຊ່ວຍຄົ້ນຫາຜູ້ລອດຊີວິດ, ເຊິ່ງຕອນນີ້ໄດ້ຮັບການຊ່ວຍເຫຼືອອອກມາໄດ້ 7 ຄົນແລ້ວ ແຕ່ຍັງເຊື່ອວ່າຍັງມີຄົນຕິດຢູ່ພາຍໃນເສດຕຶກອາຄານອີກ 16 ຄົນ.

ເຖິງຢ່າງໃດກໍ່ຕາມ ການປະຕິບັດການຊ່ວຍເຫຼືອໄດ້ຮັບຜົນກະທົບຈາກພື້ນທີ່ທີ່ມີຈຳກັດ ເຮັດໃຫ້ສົ່ງເຄື່ອງຈັກໜັກເຂົ້າມາຂົນຍ້າຍເສດອາຄານໄດ້ຍາກ ລວມທັງມີຄວາມສ່ຽງທີ່ອາຄານໃກ້ຄຽງຈະໄດ້ຮັບຄວາມເສຍຫາຍຈາກເຫດການນີ້.