spot_img
Homeຂ່າວຕ່າງປະເທດເຮືອບິນອິນເດຍ ຕົກຂຸມອາກາດເຮັດໃຫ້ຜູ້ໂດຍສານໄດ້ຮັບບາດເຈັບຫຼາຍຄົນ

ເຮືອບິນອິນເດຍ ຕົກຂຸມອາກາດເຮັດໃຫ້ຜູ້ໂດຍສານໄດ້ຮັບບາດເຈັບຫຼາຍຄົນ

Published on

ໃນວັນທີ 3 ພຶດສະພາທີ່ຜ່ານມາ ບີບີຊີ ລາຍງານວ່າ: ເຮືອບິນອິນເດຍ ສາຍການບິນສະໄປເຈັດ (SpiceJet) ພ້ອມຜູ້ໂດຍສານທັງໝົດ 200 ຄົນ ເຊິ່ງກຳລັງເດີນທາງຈາກນະຄອນມຸມໄບ ຫາ ເມືອງທຸຣປຸຣະ ລັດເບັງກໍຕາເວັນຕົກ ຕົກຂຸມອາກາດຫຼາຍຄັ້ງ ກ່ອນລົງຈອດໃນຕອນແລງວັນອາທິດທີ 1 ພຶດສະພາ ນີ້ ເຮັດໃຫ້ຜູ້ໂດຍສານໄດ້ຮັບບາດເຈັບຢ່າງໜ້ອຍ 17 ຄົນ.

ໃນຂະນະທີ່ເຮືອບິນອອກເດີນທາງຈາກມຸມໄບເວລາ 17:53 ນາທີ ເຮືອບິນບໍ່ມີຜິດປົກກະຕິລະຫວ່າງທ່ຽວບິນ ຈົນເຖິງເວລາກ່ອນທີ່ຈະລົງຈອດຕາມກຳນົດ 35 ນາທີ ເຮືອບິນໄດ້ມີການຕົກຂຸມອາກາດເລັກໜ້ອຍ, ຈົນເຖິງ 15 – 17 ນາທີຕໍ່ມາ ເຮືອບິນໄດ້ເດັ້ງຂື້ນ-ລົງ ແລະ ອອກທາງດ້ານຂ້າງຢ່າງຮຸນແຮງ ຈົນເຮັດໃຫ້ເຮືອບິນໂບອິງ 737 ມີສະພາບຄືກັບ ໝາກບານຢາງ.

ໃນບັນດາຜູ້ໂດຍສານທີ່ບໍ່ໄດ້ໃສ່ສາຍນິລະໄພ ໄດ້ເດັ້ງຂື້ນ ແລ້ວຕົກຈາກບ່ອນນັ່ງ ແລະ ໄດ້ມີກະເປົາຜູ້ໂດຍສານທີ່ເກັບໄວ້ດ້ານເທິງຕົກລົງມາ ໃສ່ຜູ້ໂດຍສານບາງສ່ວນໄດ້ຮັບບາດເຈັບຮຸນແຮງ.

ເມື່ອເຮືອບິນລົງຈອດໃນເວລາ 19:15 ນາທີ ຕ້ອງໃຊ້ເວລາ 1 ຊົ່ວໂມງທີ່ລົດໂຮງໝໍຈະມາຮອດເພື່ອຊ່ວຍຜູ້ໂດຍສານທີ່ໄດ້ຮັບບາດເຈັບ ແລ້ວນຳໄປຮັກສາທີ່ໂຮງໝໍ.

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...