ກະຊວງສາທາລະນະສຸກ ຫວຽດນາມ ໄດ້ອອກແຈ້ງການ ການຢຸດຕິການກວດກາໂຄວິດຢູ່ດ່ານກ່ອນເຂົ້າປະເທດ ຢູ່ທຸກດ່ານຊາຍແດນຂອງປະເທດຫວຽດນາມສໍາລັບຄົນເຂົ້າປະເທດ ເລີ້ມແຕ່ 00 ໂມງ 00 ນາທີ ຂອງວັນທີ 27/4/2022.
ອີງຕາມແຈ້ງການ ກະຊວງສາທາລະນະສຸກ ຫວຽດນາມ ກ່ຽວກັບການຢຸດຕິການກວດກາໂຄວິດຢູ່ດ່ານກ່ອນເຂົ້າປະເທດ, ເລກທີ 2118/BYT-DP, ລົງວັນທີ 26 ເມສາ 2022. ໃນປະຈຸບັນ ປະເທດຫວຽດນາມແມ່ນສາມາດຄວບຄຸມເຊື້ອພະຍາດໂຄວິດ-19 ໃນຂອບເຂດທົ່ວປະເທດ ເຊິ່ງອັດຕາການສັກວັກຊິນຕ້ານເຊື້ອໂຄວິດ-19 ແມ່ນສູງ.
ອີງຕາມສະຖານະການເຊື້ອພະຍາດໂຄວິດ-19 ແລະ ດໍາລັດ ເລກທີ 82/2018/ND-CP, ລົງວັນທີ 25/6/2018 ຂອງລັດຖະບານ. ກະຊວງສາທາລະນະສຸກ ໄດ້ສະເໜີຄະນະປະຈໍາພັກແຂວງ, ນະຄອນ ຊີ້ນໍາບັນດາຂະແໜງການກ່ຽວຂ້ອງຈັດຕັ້ງປະຕິບັດບັນດາເນື້ອໃນດັ່ງລຸ່ມນີ້:
1. ຢຸດມາດຕະການຮຽກຮ້ອງກວດກາໃບແຈ້ງກວດເຊື້ອພະຍາດໂຄວິດ-19 ຢູ່ທຸກດ່ານຊາຍແດນຂອງປະເທດຫວຽດນາມ ສໍາລັບຄົນເຂົ້າປະເທດ ເລີ້ມແຕ່ 00 ໂມງ 00 ນາທີ ຂອງວັນທີ 27/4/2022.
2. ເພີ່ມທະວິການສະໜອງຂໍ້ມູນຂ່າວສານຜ່ານທາງສື່ຕ່າງໆ, ຫ້ອງແນະນໍາ ແລະ ຕັກເຕືອນ, ຕ້ານເຊື້ອພະຍາດໂຄວິດ-19 ໃຫ້ເໝາະສົມກັບສະຖານະການປະຈຸບັນ ແລະ ຕື່ນຕົວສະໜອງ ແລະ ອັດເດດຂໍ້ມູນໃຫ້ທັນການ.
3. ກະຊວງສາທາລະນະສຸກສື່ບຕໍ່ຕິດຕາມສະຖານະການ, ສະໜອງຂໍ້ມູນກ່ຽວກັບສະຖານະການເຊື້ອພະຍາດໂຄວິດ-19 ໃນຂອບເຂດທົ່ວໂລກ ແລະ ພາຍໃນປະເທດ ເພື່ອຫາມາດຕະການ ແລະ ວິທີການຕ້ານການລະບາດເຊື້ອພະຍາດທີ່ເໝາະສົມ.
ແຫຼ່ງທີ່ມາ: TARGET Magazine