ໂຄສົກກະຊວງການຕ່າງປະເທດຂອງຈີນໄດ້ກ່າວເຖິງການໂຈມຕີຂອງກຸ່ມຜູ້ກໍ່ການຮ້າຍໃນເມືອງກາລາຈີປະເທດປະກິດສະຖານຂອງວັນອັງຄານວ່າໂຫດຮ້າຍເປັນຢ່າງຍິ່ງ, ເຊິ່ງຈີນໄດ້ຮ່ວມມືກັບປາກິດສະຖານເພື່ອຈະນຳໂຕຜູ້ກໍ່ການຮ້າຍມາເຂົ້າສູ່ຂະບວນການຍຸດຕິທຳ ແລະ ໃຫ້ພວກເຂົາໄດ້ຮັບໂທດຢ່າງໜັກ.
ທ່ານ ຫວັງ ເຫວິນປິງ ໂຄສົກກະຊວງການຕ່າງປະເທດຂອງຈີນໄດ້ກ່າວໃນວັນພຸດໂດຍບັນລະຍາຍການສະຫຼຸບຂ່າວກ່ຽວກັບການໂຈມຕີຂອງຜູ້ກໍ່ການຮ້າຍເທິງລົດຕູ້ຂອງສະຖາບັນຂົງຈື້ ທີ່ມະຫາໄລກາລາຈີ ນີ້ວ່າ: ເຮົາຂໍສະແດງຄວາມເສຍໃຈຢ່າງສຸດຊື້ງຕໍ່ຜູ້ເຄາະຮ້າຍຂອງທັງສອງປະເທດ ແລະ ຂໍສະແດງຄວາມເສຍໃຈຕໍ່ກັບຜູ້ບາດເຈັບ ແລະ ຄອບຄົວຜູ້ເສຍຊີວິດ ຕໍ່ເຫດການທີ່ເກີດຂື້ນເຊິ່ງເປັນການໂຈມຕີຂອງຜູ້ກໍ່ການຮ້າຍທີ່ຕັ້ງໃຈຈະຂ້າໂຕຕາຍໂດຍມີການໄຕ່ຕອງໄວ້ລ່ວງໜ້າ ໂດຍຈະໂຈມຕີພົນລະເມືອງຂອງຈີນ.
ຜູ້ກໍ່ການຮ້າຍໄດ້ມຸງເປົ້າໄປທີ່ຄູ-ອາຈານ, ຜູ້ສືບທອດອາຍະການມະນຸດ ແລະ ຜູ້ສົ່ງເສີມການແລກປ່ຽນທາງວັດທະນະທຳ ເຊິ່ງເຮັດໃຫ້ການໂຈມຕີໃນຄັ້ງນີ້ເປັນການກະທຳທີ່ໂຫດຮ້າຍ. ທ່ານ ຫວັງ ໄດ້ກ່າວເພິ່ມວ່າ ປະຊາຊົນຈີນໄດ້ກ່າວປະນາມຢ່າງຮຸນແຮງຕໍ່ການກະທຳດັ່ງກ່າວ.
ຫຼ້າສຸດ ເຈົ້າໜ້າທີ່ກະຊວງການຕ່າງປະເທດຂອງຈີນ ແລະ ຄະນະທູດຂອງປາກິດສະຖານໄດ້ຮຽກຮ້ອງໃຫ້ຝ່າຍປາກິດສະຖານດຳເນີນການຢ່າງດີທີ່ສຸດເພື່ອຮັກສາຜູ້ບາດເຈັບ, ຈັດການຕິດຕາມຜູ້ທີ່ເສຍຊີວິດ ດຳເນີນການກວດສອບການໂຈມຕີໂດຍທັນທີ, ເພື່ອຈັບກຸມຜູ້ກະທຳຄວາມຜິດ ແລະ ລົງໂທດພວກເຂົາຢ່າງໜັກຕາມລະບຽບກົດໝາຍ.
ໃນຄະນະດຽວກັນນັ້ນ, ຄວນມີມາດຕະການຢ່າງເຂັ້ມງວດເພື່ອຮອງຮັບຄວາມປອດໄພຂອງພົນລະເມືອງຈີນ ແລະ ສະຖາບັນໃນປາກິດສະຖານ ເພື່ອບໍ່ໃຫ້ເກີດເຫດການດັ່ງກ່າວຂື້ນອີກ”
ທ່ານ ຫວັງ ໄດ້ກ່າວເສີມວ່າ “ຝ່າຍປາກິດສະຖານໃຫ້ຄຳໝັ້ນວ່າຈະໃຊ້ມາດຕະການເພິ່ມເຕີມເພື່ອເສີມສ້າງຄວາມໝັ້ນຄົງໃຫ້ກັບບຸກຄະລາກອນໂຄງການ ແລະ ສະຖາບັນຂອງຈີນໃນປາກິດສະຖານຢ່າງຮອບດ້ານ.
ທ່ານ ຊາລິຟ ໄດ້ກ່າວວ່າ “ລັດຖະບານຂອງພວກເຂົາຈະບໍ່ມີວັນຍອມໃຫ້ກອງກຳລັງໃດໆມາທຳລາຍມິດຕະພາບ ແລະ ຄວາມຮ່ວມມືລະຫວ່າງປາກິດສະຖານ-ຈີນ”.
ນອກນັ້ນ ຈີນສະໜັບສະໜູນຄວາມພະຍາຍາມຕໍ່ຕ້ານການກໍ່ການຮ້າຍຂອງປະກິດສະຖານຢ່າງແໜ້ນໜາ ແລະ ຈະເຮັດວຽກຮ່ວມກັບປາກິດສະຖານເພື່ອນຳໂຕຜູ້ກະທຳຄວາມຜິດສູ່ຂະບວນການຍຸດຕິທຳ ແລະ ໃຫ້ພວກເຂົາໄດ້ຮັບໂທດຢ່າງໜັກ. ເຮົາຂໍເຕືອນພົນລະເມືອງຈີນໃນປາກິດສະຖານອີກຄັ້ງໃຫ້ໃສ່ໃຈກັບສະຖານະການຄວາມໝັ້ນຄົງໃນທ້ອງຖິ່ນ ແລະ ປ້ອງກັນຄວາມສ່ຽງດ້ານຄວາມປອກໄພ”.