spot_img
Homeຂ່າວຕ່າງປະເທດເນັດຟລິກສູນເສຍສະມາຊິກຄັ້ງໃຫຍ່ ແລະ ອາດຈະສະເໜີແຜນໂຄສະນາທີ່ລາຄາຖືກລົງ

ເນັດຟລິກສູນເສຍສະມາຊິກຄັ້ງໃຫຍ່ ແລະ ອາດຈະສະເໜີແຜນໂຄສະນາທີ່ລາຄາຖືກລົງ

Published on

ເນັດຟລິກ (Netflix) ກ່າວວ່າອັດຕາເງິນເຟີ້, ສົງຄາມໃນຢູເຄຣນ ແລະ ການແຂ່ງຂັນທີ່ຮຸນແຮງມີສ່ວນເຮັດໃຫ້ສູນເສຍສະມາຊິກເປັນຄັ້ງທໍາອິດໃນຮອບຫຼາຍກວ່າຫນຶ່ງທົດສະວັດ ແລະ ຄາດຄະເນວ່າຈະມີການຫົດຕົວຫຼາຍຂຶ້ນໃນຕໍ່ຫນ້າ, ເຊິ່ງຫມາຍເຖິງການປ່ຽນແປງຢ່າງກະທັນຫັນຂອງບໍລິສັດສຕຣີມມິງ (streaming) ທີ່ຂະຫຍາຍຕົວໃນຊ່ວງການແຜ່ລະບາດໃຫຍ່.

ການຫລຸດລົງ 26% ຂອງຫຸ້ນເນັດຟລິກ ຫລັງຈາກທີ່ໄດ້ມີການປິດຕະຫຼາດການຄ້າໃນວັນອັງຄານ (19 ເມສາ) ໄດ້ເຮັດໃຫ້ມູນຄ່າຕະຫຼາດຫຸ້ນຂອງພວກເຂົາເສຍໄປປະມານ 40 ຕື້ໂດລາສະຫະລັດ. ນັບຕັ້ງແຕ່ໄດ້ຮັບສັນຍານການຂະຫຍາຍຕົວຂອງສະມາຊິກທີ່ຫຼຸດລົງໃນເດືອນມັງກອນທີ່ຜ່ານມາ, ບໍລິສັດໄດ້ສູນເສຍມູນລະຄ່າໄປເກືອບເຄິ່ງໜຶ່ງຂອງມູນຄ່າ.

ການຂະຫຍາຍຕົວຂອງຈໍານວນສະມາຊິກທີ່ລ່າຊ້າໄດ້ເຮັດໃຫ້ເປັນຄັ້ງທໍາອິດທີ່ເນັດຟລິກກ່າວວ່າ ອາດຈະມີການສະເຫນີລາຄາບໍລິການຕ່ໍາລົງພ້ອມກັບໂຄສະນາ. ບໍລິສັດກ່າວວ່າພວກເຂົາໄດ້ສູນເສຍສະມາຊິກຈໍານວນ 200,000 ຄົນໃນໄຕມາດທໍາອິດ ເຊິ່ງຕໍ່າກວ່າທີ່ຄາດຄະເນໄວ້ວ່າຈະເພີ່ມສະມາຊິກ 2.5 ລ້ານຄົນ. ການ​ໂຈະ​ການ​ບໍລິການ​ໃນ​ຣັດ​ເຊຍ ຫລັງ​ຈາກ​ການ​​ໂຈມ​ຕີ​ຂອງ​ຢູ​ເຄຣນສົ່ງ​ຜົນ​ໃຫ້ສູນ​ເສຍ​ສະມາຊິກໄປຈໍານວນ 700,000 ຄົນ​​.

ບໍລິສັດໄດ້ສະເຫນີການຄາດຄະເນທີ່ຫນ້າເສົ້າໃຈສໍາລັບໄຕມາດຂອງລະດູໃບໄມ້ປົ່ງ, ໂດຍຄາດຄະເນວ່າມັນຈະສູນເສຍສະມາຊິກໄປຈໍານວນ 2 ລ້ານຄົນ, ເຖິງແມ່ນວ່າການກັບມາຂອງຊີຣີ້ທີ່ຄາດການໄວ້ຢ່າງຮ້ອນແຮງ ເຊັ່ນ “Stranger Things” ແລະ “Ozark” ແລະ ການເປີດຕົວຂອງຮູບເງົາເລື່ອງ “The Grey Man,” ນໍາສະແດງໂດຍ ຄຣິສ ອີແວນສ ແລະ ໄຣອັນ ກອສລິງ.

ນອກເຫນືອຈາກແຜນການສະຫນັບສະຫນູນການໂຄສະນາແລ້ວ ບໍລິສັດຍັງຊອກຫາລາຍໄດ້ເພີ່ມເຕີມຈາກລູກຄ້າທີ່ແບ່ງປັນບັນຊີກັບຫມູ່ເພື່ອນ ຫຼື ຄອບຄົວພວກເຂົານໍາອີກ.

ອ້າງ​ອີງ​ຈາກ: Reuters

ບົດຄວາມຫຼ້າສຸດ

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...