ທ່ານຮອງນາຍົກລັດຖະມົນຕີ ສົມສະຫວາດ ເລັ່ງສະຫວັດ ໄດ້ເນັ້ນໜັກພາກສ່ວນກ່ຽວຂ້ອງເອົາໃຈໃສຕໍ່ 7 ບັນຫາ
ຍຸດທະສາດ ເພື່ອພັດທະນາກາເຟລາວໃຫ້ມີຄວາມເຂັ້ມແຂງຮອບດ້ານ ພ້ອມຢ້ຳໃຫ້ສອງກະຊວງຕົ້ນຕໍສະເໜີ
ລັດຖະບານປະກາດໃຊ້ບັນດານະໂຍບາຍ ແລະ ສ້າງນິຕິກຳຢ່າງລະອຽດ ເພື່ອອຳນວຍຄວາມສະດວກແກ່ຜູ້ຜະລິດ
ແລະ ຜູ້ປະກອບການໃນຂົງເຂດກາເຟທົ່ວປະເທດ.
ໃນໂອກາດທີ່ ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ, ຜູ້ຊີ້ນຳວຽກງານເສດຖະກິດເຂົ້າຮ່ວມ
ແລະ ກ່າວເປີດງານບຸນມະໂຫລານກາເຟລາວຄັ້ງທຳອິດທີ່ແຂວງຈຳປາສັກ ເປັນເຈົ້າພາບເມື່ອທ້າຍເດືອນຕຸລາທີ່
ຜ່ານມາ ທ່ານໄດ້ກ່າວບາງຕອນທີ່ສຳຄັນວ່າ: ປະຈຸບັນສັງຄົມທັງພາຍໃນ ແລະ ຕ່າງປະເທດ ໄດ້ມີການບໍລິໂພກກາ
ເຟນັບມື້ເພີ່ມຂຶ້ນ ຊຶ່ງເປັນໂອກາດອັນດີ ໃຫ້ແກ່ປະເທດລາວທີ່ມີເງື່ອນໄຂທາງທຳມະຊາດອຳນວຍໃຫ້ແກ່ການ ພັດ
ທະນາກາເຟໃຫ້ນັບມື້ຫຼາຍຂຶ້ນກວ່າເກົ່າ, ທີ່ສຳຄັນລັດຖະບານໄດ້ຖືເອົາກາເຟເປັນສິນຄ້າປາຍແຫຼມດ້ານກະສີ ກຳ
ປະເພດໜຶ່ງ, ເພື່ອເຮັດໃຫ້ກາເຟໄດ້ຮັບການພັດທະນາຢ່າງໜັກແໜ້ນ ແລະ ຕໍ່ເນື່ອງປະກອບສ່ວນຫຼາຍຂຶ້ນກວ່າ
ເກົ່າໃນການຍົກລະດັບຊີວິດການ ເປັນຢູ່ຂອງປະຊາຊົນ ແລະ ເພີ່ມທ່າແຮງສິນຄ້າສົ່ງອອກຂອງປະເທດໃຫ້ນັບມື້
ຫຼາຍຂຶ້ນເພື່ອ ປະຕິບັດຕາມວິໄສທັດທີ່ວ່າ “ກາເຟລາວຕ້ອງເຕີບໂຕຢ່າງຕໍ່ເນື່ອງຂຶ້ນສູ່ຄຸນນະພາບ ແລະ ເປັນມິດ
ຕໍ່ສິ່ງແວດລ້ອມ, ສ້າງແຫຼ່ງລາຍຮັບທີ່ໝັ້ນຄົງໃຫ້ແກ່ຜູ້ຜະລິດຂະໜາດນ້ອຍ ລວມທັງສ້າງເງື່ອນໄຂອຳນວຍ
ຄວາມສະດວກໃຫ້ແກ່ພາກເອກະຊົນຜູ້ທີ່ ມີສ່ວນຮ່ວມ” ຢາກປະຕິບັດໄດ້ຄືແນວນັ້ນຕ້ອງໄດ້ເອົາໃຈໃສ່ຫຼາຍບັນ
ຫາເພີ່ມຂຶ້ນ.
ບັນຫາທີໜຶ່ງ: ແຕ່ນີ້ເປັນຕົ້ນໄປການສົ່ງເສີມກາເຟລາວຕ້ອງຮັບປະກັນ 4 ເປົ້າໝາຍຕົ້ນຕໍຄື: ເປົ້າໝາຍທຳອິດ
ຕ້ອງພັດທະນາການປູກໃນບໍລິເວນທີ່ສາມາດປູກໄດ້ ໂດຍເລັ່ງໃສ່ກາເຟທີ່ມີຄຸນນະພາບສູງ, ສອງ: ຕ້ອງປັບປຸງຄຸນ
ນະພາບ ແລະ ການຕະຫຼາດໃຫ້ໝັ້ນທ່ຽງເພື່ອເພີ່ມມູນຄ່າ ແລະ ຜົນກຳໄລໃຫ້ສູງຂຶ້ນເລື້ອຍໆ, ສາມ: ຕ້ອງເພີ່ມສ່ວນ
ແບ່ງດ້ານມູນຄ່າເພີ່ມເພື່ອສ້າງຜົນປະໂຫຍດໃຫ້ແກ່ຊາວ ສວນຜູ້ປູກກາເຟ ແລະ ເປົ້າໝາຍສຸດທ້າຍຕ້ອງປັບປຸງ
ປະສິດທິພາບຄວາມສາມາດປັບຕົວຂອງ ລະບົບຕ່ອງໂສ້ການຜະລິດໄປຄວບຄູ່ກັບການຮ່ວມມືກັນຂອງຜູ້ທີ່ມີ
ສ່ວນກ່ຽວຂ້ອງ.
ບັນຫາທີສອງ: ເພີ່ມທະວີການຄົ້ນຄວ້າ ແລະ ພັດທະນາທາງດ້ານວິຊາການ, ດ້ວຍການນຳໃຊ້ຜົນສຳເລັດໃໝ່ໆທາງ
ດ້ານວິທະຍາສາດ ແລະ ເຕັກໂນໂລຊີ ຕິດພັນກັບການເສີມຂະຫຍາຍມູນເຊື້ອຂອງປະຊາຊົນລາວ, ເພື່ອເຮັດໃຫ້ກາ
ເຟລາວນັບມື້ມີຄຸນນະພາບສູງ ແລະ ເປັນທີ່ຍອມຮັບຂອງຜູ້ບໍລິໂພກທັງພາຍໃນ ແລະ ຕ່າງປະເທດ, ໃນສະເພາະໜ້າ
ນີ້ ໃຫ້ເອົາໃຈໃສ່ຍົກສູງຄຸນນະພາບຂອງສູນຄົ້ນຄົ້ວທາງດ້ານກາເຟ, ເປັນຕົ້ນແມ່ນສູນຄົ້ນຄົ້ວກະສີກຳພາກໃຕ້.
ບັນຫາທີສາມ: ຕ້ອງເສີມສ້າງຄວາມເຂັ້ມແຂງ, ຄວາມສຳນານງານໃຫ້ແກ່ວົງການ ແລະ ບຸກຄະລາກອນທີ່ຮັບຜິດ
ຊອບໃນຂົງເຂດກາເຟ, ເພື່ອຍົກຄຸນນະພາບທາງດ້ານບໍລິການໃຫ້ສູງຂຶ້ນ ແລະ ຊຸກຍູ້ການຜະລິດກາເຟໃຫ້ມີຄວາມ
ກ້າວໜ້າຂຶ້ນເລື້ອຍໆ.
ບັນຫາທີສີ່: ເອົາໃຈໃສ່ຝືກອົບຮົມຄວາມຮູ້ທາງດ້ານເຕັກນິກ ແລະ ການໃຫ້ຂໍ້ມູນຂ່າວສານແກ່ຜູ້ຜະລິດກາເຟ ເພື່ອ
ເຮັດໃຫ້ເຂົ້າເຈົ້າສາມາດເສີມຂະຫຍາຍມູນເຊື້ອອັນດີໃຫ້ ແທດເໝາະກັບທ້ອງຖິ່ນ ຕິດພັນກັບການຮັບເອົາເຕັກໂນ
ໂລຊີໃໝ່ໆ ແນໃສ່ເຮັດໃຫ້ການຜະລິດກາເຟມີຄຸນນະພາບດີຂຶ້ນເລື້ອຍໆ.
ບັນຫາທີຫ້າ: ເອົາໃຈໃສ່ຄົ້ນຄົ້ວຮູບແບບການຜະລິດທີ່ແທດເໝາະ, ໂດຍຖອດຖອນບົດຮຽນຈາກພຶດຕິກຳຕົວຈິງ
ໃນໄລຍະຜ່ານມາ ແລະ ກ້າວຂຶ້ນສູ່ການຜະລິດ, ຄືການເຕົ້າໂຮມການຜະລິດເຂົ້າກັນ ເພື່ອສ້າງກຳລັງແຮງ ແລະ
ຄວາມສາມາດແຂ່ງຂັນໃນເງື່ອນໄຂການເຊື່ອມໂຍງພາກພື້ນ ແລະ ສາກົນ.
ບັນຫາທີຫົກ: ໃຫ້ຄະນະກຳມະການແຫ່ງຊາດເພື່ອສົ່ງເສີມກາເຟສົມທົບ ຢ່າງແໜ້ນແຟ້ນກັບອຳນາດການປົກຄອງ
ແລະ ສະພາການຄ້າ, ອຸດສາຫະກຳແຫ່ງຊາດລາວທີ່ເປັນເອກກະພາບ, ໂດຍປະກອບດ້ວຍຕົວແທນຈາກພາກສ່ວນ
ກຸ່ມຜູ້ຜະລິດ ແລະ ກຸ່ມປຸງແຕ່ງກາເຟໃນທົ່ວປະເທດ, ເພື່ອເຮັດພາລະບົດບາດໃນການຄຸ້ມຄອງການຜະລິດ, ການປຸງ
ແຕ່ງ, ການຈຳໜ່າຍ ແລະ ການສົ່ງ ອອກກາເຟ, ສ້າງຍີ່ຫໍ້ກາເຟລາວ ແລະ ກຽມຄວາມພ້ອມດ້ານຕ່່າງໆ ເພື່ອເຂົ້າ
ເປັນສະມາຊິກອົງການການຄ້າກາເຟໂລກ.
ບັນຫາສຸດທ້າຍແມ່ນໃຫ້ກະຊວງກະສິກຳ ແລະ ປ່າໄມ້, ກະຊວງອຸດສາຫະກຳ ແລະ ການຄ້າເປັນໃຈກາງປະສານສົບທົບ
ກັບບັນດາຂະແໜງການທີ່ ກ່ຽວຂ້ອງຄົ້ນຄວ້າ ແລະ ນຳສະເໜີຕໍ່ລັດຖະບານປະກາດໃຊ້ບັນດານະໂຍບາຍ ແລະ ສ້າງ
ນິຕິກຳຢ່າງລະອຽດ ເພື່ອສ້າງສະພາບແວດລ້ອມທີ່ອຳນວຍໃຫ້ຜູ້ຜະລິດກໍຄືຜູ້ປະກອບການ ໃນຂົງເຂດກາເຟທົ່ວປະ
ເທດ.
ແຫລ່ງຂ່າວ: ເສດຖະກິດ – ສັງຄົມ