ສະຫຼຸບ 5 ເຫດການສຳຄັນປະຈພວັນທີ 25 ມີນາ 2022

1.ສະມັດຊາໃຫຍ່ຂອງອົງການສະຫະປະຊາຊາດໄດ້ລົງຄະແນນໃຫ້ມີການປົກປ້ອງພົນລະເຮືອນ ແລະ ຄວາມເປັນມະນຸດສະທຳໃຫ້ກັບປະເທດຢູເຄຣນ ໃນວັນພະຫັດທີ່ຜ່ານມານີ້. ໃນຂະນະດຽວກັນ, ຍັງໄດ້ຕຳໜິປະເທດຣັດເຊຍທີ່ໄດ້ສ້າງຄວາມເສຍຫາຍຕໍ່ກັບຄວາມເປັນມະນຸດສະທຳຈາກການບຸກໂຈມຕີປະເທດຢູເຄຣນໃນ 1 ເດືອນທີ່ຜ່ານມາ.

2. ມື້​ນີ້​ເປັນ​ວັນ​ຄົບ​ຮອບ 1 ເດືອນ​ຂອງ​ການ​ປະ​ຕິ​ບັດ​ງານ​ທາງ​ທະ​ຫານ​ພິ​ເສດ​ຂອງຣັດ​ເຊຍ (ການ​ໂຈມ​ຕີ) ທີ່ປະເທດຢູ​ເຄຣນ. ເຊິ່ງກອງ​ກຳລັງ​ຂອງຣັດ​ເຊຍ​ໄດ້​ບຸກ​ເຂົ້າ​ໄປ​ໃນ​ດິນ​ແດນ​ຢູ​ເຄຣນອີກ 4 ກິ​ໂລ​ແມັດ ​ແລະ​ ໄດ້​ເຂົ້າ​ຄວບ​ຄຸມ​ເຂດ Batmanka, Mikhailovka, Krasny Partizan, Stavki, ​ແລະ Troitskoye.

3. ທ່ານ ໂຈ ໄບເດັນ (Joe Biden) ປະທານາທິບໍດີສະຫະລັດອາເມລິກາ ໄດ້ໄປຢ້ຽມຢາມໃກ້ເຂດຊາຍແດນຢູເຄຣນທີ່ເມືອງ Rzeszow (ຕາເວັນອອກຂອງໂປໂລຍ), ​ເຊິ່ງທ່ານ ໂຈ ໄບເດັນ ຈະໄດ້ຢູ່ຫ່າງຈາກສົງຄາມພຽງ 80 ກິໂລແມັດ.

4. ກະຊວງ​ປ້ອງ​ກັນ​ປະ​ເທດຂອງຣັດ​ເຊຍ ໄດ້​ທຳລາຍ​ຖານ​ຝຶກ​ຊ້ອມ​ຂອງທະຫານຮັບຈ້າງ​ຕ່າງປະ​ເທດທີ່ ​ຢູເຄຣນ ໂດຍ​ໂຈມ​ຕີ​ໂດຍລູກ​ສອນ​ໄຟ “Iskander”

5. ທ່ານ Jonas Gahr Støre ນາຍົກລັດຖະມົນຕີ ນອກແວ ກ່າວ​ວ່າ ນອກ​ແວ​ຈະ​ບໍ່​ອະນຸຍາດ​ໃຫ້​ມີ​ຖານ​ທັບ​ທະຫານ​ຕ່າງປະ​ເທດ​ໃນ​ດິນ​ແດນ​ຂອງ​ຕົນ​ ​ເຖິງ​ແມ່ນ​ວ່າ​ການ​ພົວພັນ​ກັບຣັດ​ເຊຍ​ຊຸດ​ໂຊມ​ລົງກໍ​ຕາມ.

ອ້າງອີງ:

https://news.un.org/en/story/2022/03/1114632

https://sputniknews.com/20220325/live-updates-russia-destroys-major-fuel-depot-outside-of-kiev-mod-says-1094175215.html

https://www.france24.com/en/europe/20220325-live-biden-to-visit-polish-town-near-ukraine-border

https://sputniknews.com/20220325/ukrainian-training-base-for-foreign-mercenaries-destroyed-in-iskander-missile-strike—russian-mod–1094173179.html

https://sputniknews.com/20220325/no-nato-bases-in-norway-pm-insists-1094170003.html