spot_img
Homeຂ່າວຕ່າງປະເທດ"ເດວິດ ເບັກແຮັມ" ຍົກອິນສຕາແກຣມໃຫ້ແພດຢູເຄຣນເຜີຍແຜ່ເລື່ອງລາວ

“ເດວິດ ເບັກແຮັມ” ຍົກອິນສຕາແກຣມໃຫ້ແພດຢູເຄຣນເຜີຍແຜ່ເລື່ອງລາວ

Published on

ເດວິດ ເບັກແຮັມ, ອາດີດກັບຕັນທີມຊາດອັງກິດ ທີ່ມີຕໍາແໜ່ງເປັນເອກອັກຄະລັດຖະທູດອົງການກອງທຶນເພື່ອເດັກນ້ອຍຂອງສະຫະປະຊາຊາດ (UNICEF) ໄດ້ຕັດສິນໃຈມອບບັນຊີອິນສຕາແກຣມຂອງລາວ ທີ່ມີຜູ້ຕິດຕາມ 71.7 ລ້ານຄົນ ໃຫ້ກັບ ອິຣີນ້າ ທ່ານໝໍຍິງຂອງປະເທດຢູເຄຣນ ເຊິ່ງໄດ້ໃຊ້ເລົ່າເລື່ອງທີ່ລາວຕ້ອງພົບພໍ້ເປັນເວລາ 1 ມື້.

ໂດຍການປະທະກັນລະຫວ່າງຣັດເຊຍ ກັບ ຢູເຄຣນຍັງດຳເນີນຕໍ່ໄປ ແລະ ບໍ່ມີທ່າທີທີ່ຈະສິ້ນສຸດລົງພາຍຫຼັງຜ່ານມາແລ້ວເປັນເວລາຫຼາຍກວ່າ 3 ອາທິດ, ເຊິ່ງຈາກຜົນກະທົບຂອງສົງຄາມໄດ້ເຮັດໃຫ້ປະຊາຊົນບາດເຈັບ ແລະ ເສຍຊີວິດຫຼາຍຄົນ, ເຮັດໃຫ້ອາດີດດາວເຕະບານ ແມນເຊສເຕີ ຢູໄນເຕັດ (Manchester United) ຕັດສິນໃຈທີ່ຈະຍື່ນມືເຂົ້າໄປຊ່ວຍ.

ຈາກການຍົກບັນຊີຂອງຕົນເອງໃຫ້ກັບ ອິຣີນ້າ ທ່ານໝໍໃນຢູເຄຣນ ເພື່ອໃຫ້ອິຣີນ້າສາມາດເຜີຍແຜ່ໃຫ້ທຸກຄົນຮັບຮູ້ເຖິງການເຮັດວຽກຂອງທ່ານໝໍໃນສະພາວະສົງຄາມແບບນີ້ ແລະ ເບິ່ງເຫັນເຖິງຄວາມຍາກລໍາບາກທີ່ເກີດຂື້ນ ພ້ອມທັງເປັນການລະດົມທຶນ ເພື່ອນຳເງິນໄປຊື້ສິ່ງທີ່ຈຳເປັນ.

ເບັກແຮັມໄດ້ກ່າວວ່າ: “ມື້ນີ້ຂ້ອຍຂໍມອບຊ່ອງຂອງຂ້ອຍໃຫ້ ອິຣີນ້າ, ຫົວຫນ້າສູນເບິ່ງແຍງເດັກນ້ອຍກ່ອນກໍາເນີດໃນເມືອງຄາຣຄິຟ ປະເທດຢູເຄຣນ. ຕອນນີ້ອິຣີນ້າກໍາລັງຊ່ວຍເຫຼືອບັນດາແມ່ມານທີ່ຕ້ອງການເກີດລູກ, ເຂົ້າໄປໜ້າອິນສຕາແກຣມສຕໍຣີຂອງຂ້ອຍ ເພື່ອຮັບຮູ້ການເຮັດວຽກງານທີ່ດີເລິດຂອງອິຣີນ້າ ກັບ ບັນດາໝູ່ຂອງລາວທີ່ກໍາລັງເຮັດເພື່ອຊ່ວຍຊີວິດຄົນໃນຢູເຄຣນ.”

“ຂໍຄວາມກະລຸນາຮ່ວມໃຫ້ຄວາມຊ່ວຍເຫຼືອ UNICEF ລວມເຖິງອິຣີນ້າເທົ່າທີ່ເຈົ້າສາມາດເຮັດໄດ້ໂດຍຜ່ານລິ້ງໃນໜ້າຊີວະປະຫວັດຂອງຂ້ອຍໄດ້ເລີຍ,” ເບັກແຮັມອັບຄຣິບບອກເລື່ອງລາວທັງໝົດໃນແຄມເປນທີ່ຈັດຂຶ້ນ.

ສໍາລັບທີ່ຜ່ານມາ ອາດີດນັກເຕະອາຍຸ 46 ປີ ເຄີຍໃຊ້ແນວທາງດຽວກັນເພື່ອຢຸດຕິການໃຊ້ຄວາມຮຸນແຮງຕໍ່ເດັກນ້ອຍໃນປີ 2018. ໂດຍລາວໄດ້ເດີນທາງໄປພົບກັບ “ສຣິປຸນ” ເດັກຍິງຊາວອິນໂດເນເຊຍ ອາຍຸ 15 ປີ ທີ່ມັກຖືກຂົ່ມເຫັງຈາກໝູ່ເພື່ອນຢູ່ໂຮງຮຽນຕະຫຼອດ ພ້ອມທັງໃຫ້ລາວຢືມອິນສຕາແກຣມເພື່ອອັບໂຫລດເລື່ອງລາວ 1 ມື້ ເພື່ອສ້າງແຮງບັນດານໃຈໃຫ້ທຸກຄົນເບິ່ງໂລກໃນແງ່ດີຫຼາຍຂຶ້ນ.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...