ສະພາບການແຜ່ລະບາດຂອງພະຍາດໂຄວິດ-19 ປະເທດລາວມີຄວາມໜ້າເປັນຫ່ວງຫຼາຍຫຼັງກວດພົບຜູ້ຕິດເຊື້ອ ເພີ່ມຂຶ້ນເປັນຈໍານວນຫຼາຍ ຈາກ 100 ຄົນ, 200 ກວ່າຄົນ, 300 ກວ່າ, ເພີ່ມຂຶ້ນເປັນ 1,508 ຄົນໃນມື້ວັນທີ 18 ມີນາ 2022 ນີ້ ນັ້ນຖືວ່າພະຍາດໂຄວິດ-19 ໄດ້ລະບາດຮອບໃຫມ່ເປັນວົງກວ້າງອີກ, ດັ່ງນັ້ນຖ້າ ສະພາບການແຜ່ລະບາດ ຫຼື ຜູ້ຕິດເຊື້ອພະຍາດດັ່ງກ່າວຍັງເພີ່ມຂຶ້ນໃນແຕ່ລະວັນເຊັ່ນໃນປັດຈຸບັນນີ້ ລັດຖະບານອາດຈະບໍ່ອະນຸຍາດໃຫ້ຈັດງານບຸນປີໃຫມ່ລາວ ຫຼື ບຸນຫົດນໍ້າລາວຄືດັ່ງປີ 2020 ແລະ ປີ 2021 ທີ່ຜ່ານມາກໍເປັນໄດ້.

ຜູ້ຕິດເຊື້ອພະຍາດໂຄວິດ-19 ຢູ່ລາວທີ່ກວດພົບຢູ່ໃນປັດຈຸບັນນີ້ແມ່ນສາຍພັນເດວຕາ ແລະ ສາຍພັນໂອໄມຄຣອນ ຊຶ່ງສາຍພັນໂອໄມຄຣອນນີ້ເປັນສາຍພັນທີ່ແຜ່ເຊື້ອໄວກວ່າສາຍພັນ ເດວຕາ ແນ່ນອນວ່າຖ້າປະຊາຊົນລາວຍັງບໍ່ໃສໃຈໃນການປ້ອງກັນ ຕົວເລກຜູ້ຕິດເຊື້ອອາດເພີ່ມຂຶ້ນຂຶ້ນຮອດ 4 ຕົວເລກ ຄືໃນໄລຍະທີ່ຜ່ານມາ ແລະ ອາດເປັນ 5 ຕົວເລກໃນອະນາຄົດອັນໃກ້ນີ້.