ຜິວຂາວໃສດ້ວຍໝາກຂີ້ຫູດ ສະໝຸນໄພພື້ນບ້ານ ນອກຈາກຈະມີສັບພະຄຸນທາງຢາແລ້ວ ຍັງສາມາດເຮັດໃຫ້ຜິວຂອງສາວໆ ຂາວໃສຂຶ້ນໄດ້ອີກ
ໝາກຂີ້ ເປັນສະໝຸນໄພທີ່ມີປະໂຫຍດຫລວງຫລາຍ ນອກຈາກຈະເອົາມາເພີ່ມລົດຊາດໃຫ້ອາຫານແລ້ວ ແລະ ບຳລຸງຜົມໃຫ້ເງົາງາມດົກດຳໄດ້ແລ້ວ ສາວໆ ຮູ້ຫລືບໍ່ວ່າ ໝາກຂີ້ຫູດນັ້ນສາມາດຈະເຮັດໃຫ້ຜິວຂອງສາວໆ ງາມໃສຂຶ້ນໄດ້ອີກດ້ວຍ ເພາະເນື່ອງຈາກໝາກຂີ້ຫູດເປັນພືດທີ່ມີລົດສົ້ມ ຈຶ່ງມີສັບພະຄຸນທີ່ຈະຊ່ວຍຜັດເຊວຜິວໝອງຄ້ຳໃຫ້ຫລຸດລອກອອກໄປ ແລະ ເຮັດໃຫ້ຜິວຂາວກະຈ່າງໃສຂຶ້ນໄດ້ ໂດຍວິທີການທີ່ຈະເຮັດໃຫ້ຜິວຂາວໃສດ້ວຍໝາກຂີ້ຫູດນັ້ນກໍມີສູດການເຮັດທີ່ງ່າຍແສນງ່າຍ ລອງມາເຮັດກັນເບິ່ງ
.- ສູດຜິວຂາວໃສດ້ວຍໝາກຂີ້ຫູດ
ພຽງແຕ່ນຳໝາກຂີ້ຫູດ 1 ໝ່ວຍມາຜ່າເຄຶ່ງ ແລ້ວຄັ້ນນ້ຳອອກມາ ຈາກນັ້ນໃຫ້ນຳນ້ຳໝາກຂີ້ຫູດມາປະສົມໃຫ້ເຂົ້າກັບນົມສົດ 1 ຖ້ວຍ ເຂົ້າໂອ໊ດ 1 ຖ້ວຍ ແລະ ນ້ຳເຜີ້ງອີກ 1 ບ່ວງກະແຟ ຄົນໃຫ້ເຂົ້າກັນສ່ວນປະສົມທັງໝົດເຂົ້ານຳກັນ ເມື່ອກຽມພ້ອມແລ້ວໃຫ້ນຳຄີມໝາກຂີ້ຫູດມາພອກຜິວໃຫ້ທົ່ວຕົວ ປະໄວ້ປະມານ 20-30 ນາທີ ຈາກນັ້ນໃຫ້ໃຊ້ໃຍບວບຊຸບນ້ຳຂັດຜິວຢ່າງເບົາມື ເພື່ອຂັດເຊວຜິວໝອງຄ້ຳໃຫ້ຫລຸດລອກອອກໄປ ສຳລັບຜິວໃນສ່ວນທີ່ຫຍາບກ້ານກໍໃຫ້ເພີ່ມເວລາຂັດດົນຂຶ້ນຈັກເລັກນ້ອຍກໍໄດ້ ເມື່ອຂັດສຳເລັດແລ້ວໃຫ້ລ້າງອອກດ້ວຍນ້ຳເຢັນ ໃຊ້ຜ້າຂົນໜູຊັບຕົວໃຫ້ແຫ້ງ ຈາກນັ້ນກໍໃຫ້ທາຄີມບຳລຸງຜິວຕາມປົກກະຕິໄດ້ເລີຍ
ເຫັນບໍ່ວ່າວິທີການເຮັດນັ້ນງ່າຍຫລາຍໆເລີຍ ເມື່ອສາວໆໄດ້ຮຽນຮູ້ເຄັດລັບການເຮັດຄີມພອກຜິວໃຫ້ຂາວກະຈ່າງໃສດ້ວຍໝາກຂີ້ຫູດກັນໄປແລ້ວ ໃຜທີ່ຢາກມີຜິວຂາວໃສກໍຢ່າລືມໃຊ້ສູດນີ້ກັນເລື້ອຍໆ ນ ໂດຍເຮັດພຽງອາທິດລະ 1-2 ເທື່ອ ເທົ່ານີ້ຜິວຂອງສາວໆ ກໍຈະຂາວກະຈ່າງໃສໄດ້ແລ້ວ