ໃນຕອນບ່າຍຂອງວັນອັງຄານ 7 ມີນາ 2022 ຜ່ານມາ ທີ່ນະຄອນກົວລາລຳເປີ ປະເທດມາເລເຊຍ ມີຝົນຕົກໜັກຕິດຕໍ່ກັນເປັນເວລາຫຼາຍກວ່າ 2 ຊົ່ວໂມງ ເຮັດໃຫ້ເກີດນໍ້າຖ້ວມກະທັນຫັນຢູ່ໃນຮ່ອມພູກາງຂອງມາເລເຊຍ. ກວມເອົານະຄອນຫຼວງກົວລາລຳເປີ ແລະ ພື້ນທີ່ອ້ອມຮອບຂອງລັດສະລັງງໍ (Selangor)

ເຂດທີ່ຖືກຜົນກະທົບຫຼາຍທີ່ສຸດໄດ້ແກ່ ຈາລັນຄູໄຊລາມະ (Jalan Kuchai Lama) ແລະ ຈາລັນປູດູ (Jalan Pudu) ນັບເປັນເຫດການທີ່ເກີດຂຶ້ນຊ້ຳຮອຍນ້ຳຖ້ວມທີ່ຮ້າຍແຮງພຽງສາມເດືອນຕໍ່ມາ  ເຊິ່ງເຫດການໃນ​ຄັ້ງນັ້ນມີ​ຜູ້​ເສຍ​ຊີວິດ​ຫຼາຍ​ສິບ​ຄົນ​ໃນ​ທົ່ວ​ປະ​ເທດ.

ທ່ານ ຕວນ ອິບຮາຮີມ ມານ (Tuan Ibrahim Man) ລັດຖະມົນຕີກະຊວງສິ່ງແວດລ້ອມແລະນໍ້າໄດ້ກ່າວວ່າ: ເຫດການນ້ຳ​ຖ້ວມໃນຄັ້ງນີ້ເກີດ​ຂຶ້ນ​ຍ້ອນ​ມີ​ຝົນ​ຕົກ​ໜັກ​​ໃນ​ໄລ​ຍະ​ສອງ​ຊົ່ວ​ໂມງ ແລະ ລະບົບລະບາຍນ້ຳທີ່ມີຢູ່ບໍ່ສາມາດຮັບຮອງກະແສນ້ຳທີ່ສູງໄດ້

ທ່ານໄດ້ກ່າວຕື່ມວ່າ: ມີເຮືອນຫຼາຍກວ່າຮ້ອຍຫຼັງໄດ້ຮັບຜົນກະທົບໃນເມືອງ (Kampung Periuk) ແລະ (Kampung Pasir Baru) ໃນນະຄອນຫຼວງ.