ເພື່ອເຮັດໃຫ້ຊ່ອງທາງຂາຍປີ້ດີຂຶ້ນຕື່ມອີກ ແລະ ເຮັດໃຫ້ວຽກງານຂົນສົ່ງຜູ້ໂດຍສານທາງລົດໄຟລາວ-ຈີນສະດວກສະບາຍ, ບໍລິສັດທາງລົດໄຟລາວ-ຈີນຈຳກັດໄດ້ກຳນົດບ່ອນຂາຍປີ້ລົດໄຟລາວ-ຈີນແຫ່ງທຳອິດຢູ່ນະຄອນຫຼວງວຽງຈັນໃນໄວໆນີ້ ເພື່ອຂາຍປີ້ລົດໄຟເພື່ອ ສ້າງຄວາມສະດວກໃຫ້ແກ່ຜູ້ໂດຍສານ.
ອີງຕາມການລາຍງານຂອງເພສຂ່າວ CRI ໃຫ້ຮູ້ວ່າ: ບ່ອນຂາຍປີ້ລົດໄຟແຫ່ງໃໝ່ຕັ້ງຢູ່ຊັ້ນໜຶ່ງຂອງອາຄານສູນການຄ້າວຽງຈັນເຊັນເຕີ, ຂາຍປີ້ລົດໄຟ 3 ວັນລ່ວງໜ້າ ມີແຜນຈະຂາຍປີ້ລົດໄຟຈາກວຽງຈັນຫາບໍ່ເຕັນ, ເມືອງໄຊ ແລະ ຫຼວງພະບາງ. ເວລາຂາຍປີ້ໃນເບື້ອງຕົ້ນຈະເລີ່ມແຕ່ 10 ໂມງເຊົ້າ ຫາ 15 ໂມງ 30 ນາທີ.
ສ່ວນວິທີຊື້ປີ້ສາມາດຈ່າຍຜ່ານການຮູບບັດທະນາຄານ ຫຼື ສະແກນ QR code, ໃນເບື້ອງຕົ້ນຂອງການຊື້ປີ້ຍັງບໍ່ຮັບເງິນສົດ.
ສ່ວນລາຍລະອຽດກ່ຽວກັບມື້ເປີດຈຳໜ່າຍຢ່າງເປັນທາງການຈະລາຍງານຕື່ມພາຍຫຼັງ