ຣັດເຊຍ ກວດພົບລູກອຸກກາບາດຂະໜາດໃຫຍ່ ເສັ້ນຜ່າສູນກາງ 370 ແມັດ ເປັນໄປໄດ້ອາດຈະມຸ່ງໜ້າເຂົ້າມາປະ
ທະໜ່ວຍໂລກ.
ສຳນັກຂ່າວຕ່າງປະເທດລາຍງານ ວັນທີ 5 ພະຈິກນີ້ວ່າ ກ້ອງໂທລະທັດຫຸ່ນຍົນ ມາສເຕີ ຂອງມະຫາວິທະຍາໄລມົດສະກູ
ເຊິ່ງຕັ້ງຢູ່ໃນສັນພູຄໍເຄຊັສ ໃກ້ກັບເມືອງຄີສະໂລວັອດ ທາງພາກຕາເວັນຕົກສຽງໃຕ້ຂອງຣັດເຊຍ ໄດ້ກວດພົບອຸກກາ
ບາດຍັກ 2014 UR116 ມີເສັ້ນຜ່າສູນກາງປະມານ 370 ແມັດ ຢູ່ຫ່າງຈາກໂລກປະມານ 4.5 ກິໂລແມັດ ໂດຍມີຄວາມ
ເປັນໄປໄດ້ວ່າ ມັນຈະມຸ່ງໜ້າເຂົ້າປະທະຕຳໜ່ວຍໂລກໃນອານາຄົດ ເຊິ່ງຫາກເປັນດັ່ງນັ້ນ ກໍຈະກໍ່ໃຫ້ເກີດການລະເບີດ
ມະຫາສານ ຮຸນແຮງກ່ວາລະເບີດຈາກອຸກກາບາດ ທີ່ຕົກລົງໃນເມືອງເຊນຢາບິນຂອງຣັດເຊຍເມື່ອປີ 2013 ທີ່ຜ່ານມາ
ເຖິງ 1000 ເທົ່າ. ອຸກກາບາດເຊນຢາບິນ ມີເສັ້ນຜ່າສູນກາງ 17 ແມັດ ແລະ ເຖິງແມ່ນຈະແຕກຕົວກ່ອນທີ່ຈະຕົກເຖິງ
ພື້ນໂລກໃນໄລຍະ 20 ກິໂລແມັດກໍຕາມ, ແຕ່ກໍມີແຮງລະເບີດເຖິງ 300 – 500 ກິໂລໂຕນ.
ຢ່າງໃດກໍຕາມ ອຸກກາບາດລູກນີ້ ຈະຍັງບໍ່ທັນເດີນທາງມາເຖິງໂລກພາຍໃນເວລາ 6 ປີຂ້າງໜ້ານີ້ ແລະ ກໍຍັງມີປັດໄຈ
ອື່ນໆ ອາດສົ່ງຜົນເຖິງວິຖີໂຄຈອນຂອງມັນ ເຊັ່ນການດຶງດູດຂອງດາວທີ່ມັນໂຄຈອນເຂົ້າໄປໃກ້, ແຕ່ດ້ານນັກວິທະຍາ
ສາດຣັດເຊຍ ກໍຈະຕ້ອງໄດ້ຈັບຕາເບິ່ງຄວາມເຄື່ອນໄຫວຂອງມັນຢ່າງຕໍ່ເນື່ອງ ນັບຈາກເວລານີ້.