ລັດຖະບານໄດ້ລົງນາມສັນຍາສະບັບປັບປຸງ ວ່າດ້ວຍການພັດທະນາເຂດເສດຖະກິດສະເພາະ ສາມຫຼ່ຽມຄຳ ເຊິ່ງການພັດ
ທະນາຄັ້ງນີ້ ຍັງຮັກສາຮູບແບບ ແລະ ເງື່ອນໄຂຂອງສັນຍາ ສະບັບປີ 2007 ສ່ວນເນື້ອທີ່ດິນແມ່ນຈະໄດ້ຂະຫຍາຍອອກຕື່ມ
ການພັດທະນາອາດຈະປະກອບດ້ວຍ ເຂດເສດຖະກິດສະເພາະ ຄາດຄະເນແຜນການລົງທຶນມູນຄ່າເຖິງ 1 ຕື້ໂດລາສະຫະ
ລັດ ຫຼື ປະມານ 8.000 ຕື້ກີບ.
ຮູບແບບຂອງການພັດທະນາ ແມ່ນຍັງຈະຮັກສາສັນຍາສະບັບປີ 2007 ທີ່ໄດ້ກຳນົດເນື້ອທີ່ດິນ 827 ເຮັກຕາ ລັດຖະບານ
ຖືຫຸ້ນ 20% ຜູ້ພັດທະນາ 80% ສ່ວນເນື້ອທີ່ດິນທີ່ຈະຂະຫຍາຍໃນຈຳນວນ 2.173 ເຮັກຕາ ໃນນັ້ນ ຜູ້ພັດທະນາສຳປະທານ
ຈາກລັດຖະບານ ໂດຍມີສັນຍາສະເພາະຕ່າງຫາກ ເຊິ່ງອາດເປັນດິນຕໍ່ແຜ່ນ ຫຼື ບໍ່ຕໍ່ແຜ່ນ ແມ່ນຢູ່ບົນພື້ນຖານ ການຮັບ
ປະກັນສິດ ແລະ ຜົນປະໂຫຍດຂອງປະຊາຊົນ ລັດຖະບານ ແລະ ຜູ້ພັດທະນາເຂດດັ່ງກ່າວນີ້ ແມ່ນຈະໄດ້ລົງທຶນເຂົ້າໃນ 14
ໂຄງການ ເປັນຕົ້ນສະໜາມບິນສາກົນ ສະໜາມກ໋ອຟ ພັດທະນາແຫຼ່ງທ່ອງທ່ຽວດອນຊາວ ເຂດເຊື່ອມຕໍ່ເມືອງເກົ່າສຸວັນ
ນະໂຄມຄຳ ແລະ ອື່ນໆ.
ນອກນັ້ນ ຈະໄດ້ມີການປັບປຸງຮູບແບບການຄຸ້ມຄອງໃຫ້ກະທັດຮັດ ປອດໃສ ແລະ ກວດສອບໄດ້ ໂດຍຈັດຕັ້ງໃຫ້ມີຄະນະ
ບໍລິຫານພຽງຄະນະດຽວ ທີ່ປະກອບດ້ວຍຝ່າຍລັດ ແລະ ຜູ້ພັດທະນາ ຮ່ວມກັນບໍລິຫານຄຸ້ມຄອງຕາມກົນໄກ ຫົວໜ່ວຍບໍ
ລິຫານນ້ອຍ-ສັງຄົມກວ້າງ ທີ່ນຳໃຊ້ກາປະທັບດຽວ ແລະ ແບ່ງຄວາມຮັບຜິດຊອບຂອບເຂດສິດ ແລະ ພາລະບົດບາດຂອງ
ແຕ່ລະຝ່າຍຢ່າງຈະແຈ້ງ.
ນອກນັ້ນ ລາຍຮັບທັງໝົດທີ່ໄດ້ຮັບຈາກການບໍລິຫານ ແລະ ຄຸ້ມຄອງ ຈະໄດ້ຈັດແບ່ງເຂົ້າງົບປະມານລັດ ສ່ວນໜຶ່ງຈະໄດ້
ທົດແທນຄືນຕົ້ນທຶນການກໍ່ສ້າງເສັ້ນທາງເບຕົງ ແຕ່ບ້ານນ້ຳເກິ່ງ-ບ້ານມ໋ອມ ແລະ ການກໍ່ສ້າງກັນຕາຝັ່ງເຈື່ອນເຂດ
ດອນຊາວ ຕາມສັນຍາທີ່ຂະແໜງໂຍທາທິການ-ຂົນສົ່ງ ໄດ້ເຊັນສັນຍາກັບບໍລິສັດ ດອກງິ້ວຄຳ ຈຳກັດ ສ່ວນລາຍຮັບທີ່
ເຫຼືອແມ່ນຈະແບ່ງໃຫ້ທົ່ວເຖິງທັງສູນກາງ ແລະ ທ້ອງຖິ່ນ.
ພິທີລົງນາມສັນຍາສະບັບປັບປຸງ ວ່າດ້ວຍການພັດທະນາເຂດເສດຖະກິດພິເສດສາມຫຼ່ຽມຄຳ ໄດ້ຈັດຂຶ້ນວັນທີ 29 ຕຸລາ
2014 ຜ່ານມາ ຕາງໜ້າລັດຖະບານລາວແມ່ນທ່ານ ສົມດີ ດວງດີ ລັດຖະມົນຕີວ່າການ ກະຊວງແຜນການ ແລະ ການລົງ
ທຶນ ແລະ ທ່ານ ເຈົາເວີຍ ປະທານບໍລິສັດ ຄິງໂລມັນ ອິນເຕີເນໂຊນານ ຈຳກັດ ສປ ຈີນ ຕາງໜ້າໃຫ້ກັບຜູ້ພັດທະນາໂດຍ
ມີທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ ຜູ້ຊີ້ນຳວຽກງານເສດຖະກິດການຜະລິດ ແລະ ຈໍລະຈອນ ປະ
ທານຄະນະກຳມະການແຫ່ງຊາດລາວ ເພື່ອຄຸ້ມຄອງເຂດເສດຖະກິດພິເສດ-ເຂດເສດຖະກິດສະເພາະ ແລະ ພາກສ່ວນ
ກ່ຽວຂ້ອງ.
ແຫລ່ງຂ່າວ: ວຽງຈັນໃໝ່