ຕຶກ ວັນ ເວີຣດ໌ເທຣດເຊັນເຕີ້ ເລີ່ມເປີດທຳການອີກຄັ້ງໜຶ່ງ ຫລັງຈາກ 13 ປີ ຖືກໂຈມຕີຖະຫລົ່ມລົງຈົນຮາບ

ກ້ຽງໃນວັນທີ 11 ກັນຍາ 2001 ໃຊ້ງົບກໍ່ສ້າງໃໝ່ 3,9 ຕື້ໂດລາ.

ສຳນັກຂ່າວຕ່າງປະເທດລາຍງານ ໃນວັນທີ 4 ພະຈິກນີ້ວ່າ ຕຶກ ” ວັນ ເວີລດ໌ເທຣດເຊັນເຕີ້ ” ອາຄານທີ່ສູງທີ່ສຸດໃນ

ສະຫະລັດ ເປີດທຳການອີກຄັ້ງສຳລັບພາກທຸລະກິດແລ້ວ ເມື່ອວັນຈັນ 3 ພະຈິກຜ່ານມາ ຫລັງຈາກບໍລິສັດສື່ມວນ

ຊົນ Conde Nast ຜູ້ເຊົ່າພື້ນທີ່ລາຍທຳອິດ ໄດ້ຂົນຍ້າຍພະນັກງານຂອງຕົນກ່ວາ 3,400 ຄົນ ເຂົ້າມາເຮັດວຽກຢູ່

ຊັ້ນທີ 20 ເຖິງຊັ້ນທີ 44 ຂອງຕຶກເປັນທີ່ຮຽບຮ້ອຍແລ້ວ.

ຕຶກ ວັນ ເວີຣດ໌ເທຣດເຊັນເຕີ້ ໃນເມືອງແມນຮັດຕັນ ຂອງລັດນິວຢອກ ໄດ້ເປີດທຳການອີກເທື່ອໜຶ່ງໃນຄັ້ງນີ້ນັ້ນ

ແມ່ນເປັນຄັ້ງທຳອິດ ຫລັງຈາກ 13 ປີທີ່ເກີດເຫດວິນາດສະກຳ ກຸ່ມກໍ່ການຮ້າຍຈີ້ເຮືອບິນ 2 ລຳເຂົ້າຕຳຕຶກແຝດ

ເວີຣດ໌ເທຣດເຊັນເຕີ້ ເມື່ອວັນທີ 11 ກັນຍາ 2001 ຈົນເຮັດໃຫ້ມີຜູ້ເສຍຊີວິດ 2,753 ຄົນ.

ທັງນີ້ ຕຶກ ວັນ ເວີຣດ໌ເທຣດເຊັນເຕີ້ ໃຊ້ງົບປະມານໃນການກໍ່ສ້າງ 3,9 ຕື້ໂດລາສະຫະລັດ ເຊິ່ງເປັນຕຶກສູງ 104 ຊັ້ນ

ໂດຍພາຍໃນອາຄານມີພື້ນທີ່ທັງໝົດ 325,000 ຕາແມັດ ເຊິ່ງລວມພື້ນທີ່ຂອງສຳນັກງານຕ່າງໆ, ລານຈອດລົດ

ແລະ ຫໍສັງເກດການ ເຊິ່ງມີກຳນົດເປີດໃນຊ່ວງລະດູໃບໄມ້ຫລົ່ນທີ່ຈະມາເຖິງອີກດ້ວຍ.