Homeຂ່າວຕ່າງປະເທດຊາຍຊາວອິນເດຍເຜົາທະນາຄານ ຫຼັງຖືກປະຕິເສດການກູ້ຍຶມເງິນຈຳນວນ 721 ລ້ານກີບ.

ຊາຍຊາວອິນເດຍເຜົາທະນາຄານ ຫຼັງຖືກປະຕິເສດການກູ້ຍຶມເງິນຈຳນວນ 721 ລ້ານກີບ.

Published on

ທ້າວ ວາຊິມ ມູລາ ອາຍຸ 33 ປີ ໄດ້ເຮັດເລື່ອງຂໍກູ້ເງິນຈາກທະນາຄານແຫ່ງໜຶ່ງເປັນເງິນຈຳນວນ 6.1 ລ້ານລູປີ ຫຼື ປະມານ 721.000.000 ກີບ ເມື່ອເດື່ອນທັນວາທີ່ຜ່ານມາ ແຕ່ວ່າຄຳຂໍຂອງເຂົາກໍຖືກປະຕິເສດໄປ ເນື່ອງຈາກເຂົາບໍ່ມີຄຸນນະສົມບັດພໍທີ່ຈະຢືມເງິນ ຈົນມາເຖິງວັນທີ 9 ມັງກອນທີ່ຜ່ານມາລາວໄດ້ຂີ່ລັດຈັກໄປທີ່ທະນາຄານດັ່ງກ່າວ ຫຼັງຈາກນັ້ນກໍທຸບແກ້ວ ແລະ ໄດ້ຊີດສະເປເຄມີຊະນິດໜຶ່ງໃສ່ແລ້ວຈູດໄຟ.

ເຊິ່ງເຫດການດັ່ງກ່າວມີພະຍານຜູ້ເຫັນເຫດການໄດ້ເລົ່າວ່າ: ຫຼັງຈາກທີ່ສັນຍານໄຟໄໝ້ດັງຂຶ້ນເຂົາກໍເຫັນຄວັນລອຍອອກມາຈາກພາຍໃນອາຄານ ຊາວບ້ານໃນແຖວນັ້ນຈຶ່ງໄດ້ຮີບຄວບຄຸມໂຕ ທ້າວ ວາຊິມ ໄວ້ຈົນກວ່າເຈົ້າໜ້າທີ່ຕຳຫຼວດຈະມາຮອດ ຜ່ານການສືບສວນສອບສວນຂອງເຈົ້າໜ້າຕຳຫຼວດໄດ້ບອກວ່າ: ຜູ້ກໍ່ເຫດເກີດໃຈຮ້າຍຫຼາຍທີ່ທາງທະນາຄານບໍ່ໃຫ້ກູ້ຢືມເງິນ ຈາກນັ້ນຈຶ່ງໃຊ້ສະເປເຄມີຊີດແລ້ວຈູດໄຟເຜົາ.

ຫຼັງຈາກເຈົ້າໜ້າທີ່ສາມາດຄວາມຄຸມໄຟໄວ້ໄດ້ ຈຶ່ງຮູ້ວ່າເຫດການໄຟໄໝ້ໃນຄັ້ງນີ້ໄດ້ສ້າງຄວາມເສຍຫາຍໂດຍມີຄອມພິວເຕີ 5 ເຄື່ອງ, ພັດລົມ, ປຶ້ມຝາກເງິນ, ເຄື່ອງນັບເງິນ ແລະ ເງິນສົດຈຳນວນ 1.2 ລ້ານລູປີ ຫຼື ປະມານ 371 ລ້ານກີບ.

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...