ສຳນັກຂ່າວຕ່າງປະເທດລາຍງານ ໃນວັນທີ 3 ພະຈິກຜ່ານມານີ້ວ່າ ເກີດເຫດໂສກນາຕະກຳຮັກສາມເສົ້າ ລະຫວ່າງ
ຊາຍໜຶ່ງ ຍິງສອງ ໃນລະຫວ່າງການນັດໝາຍໄປແກ້ຂໍ້ຂ້ອງໃຈຕໍ່ກັນ ແຄມແມ່ນ້ຳແຢງຊີ ປະເທດຈີນ.
ລາຍງານຂ່າວໄດ້ລະບຸວ່າ 2 ສາວເຊິ່ງເປັນຄົນຮັກຂອງໜຸ່ມຄົນດຽວກັນນັ້ນ ຕ່າງກໍເລືອກເສັ້ນທາງແກ້ໄຂບັນຫາ
ຮັກສາມເສົ້າ ດ້ວຍການຈົບຊີວິດຂອງຕົນເອງ ຫລັງຈາກທີ່ແຟນໜຸ່ມຄົນດຽວຂອງພວກນາງ ບໍ່ສາມາດບອກໄດ້
ວ່າ ຈະເລືອກຄົບຫາກັບໃຜ ແລະ ໜີຈາກຝ່າຍໃດໄດ້.
ຜູ້ທີ່ເຫັນເຫດການເລົ່າວ່າ ນາງສາວແຟນໃໝ່ຂອງໜຸ່ມດັ່ງກ່າວ ໄດ້ຕັດສິນໃຈເລືອກແທນ ດ້ວຍການໂດດລົງແມ່
ນ້ຳຢຽງຊີ ເຊິ່ງເຮັດໃຫ້ຊາຍໜຸ່ມຮີບຟ້າວໂດດລົງໄປຊ່ວຍຊີວິດທັນທີ ເຊິ່ງທັງສອງໄດ້ປະຄອງໂອບກອດກັນຂຶ້ນຝັ່ງ
ດ້ວຍຄວາມປອດໄພ, ໃນຂະນະນັ້ນເອງ ເມື່ອແຟນສາວຄົນເກົ່າ ອົດເຫັນແຟນໃໝ່ຂອງຄົນຮັກຕົນ ໂອບກອດກັນ
ຂຶ້ນມາ ນາງຈິ່ງຕັດສິນໃຈແລ່ນໂດດລົງໄປໃນແມ່ນ້ຳ ໂດຍທີ່ແຟນໜຸ່ມຂອງນາງ ກຳລັງເມື່ອຍຫອບຢູ່ ແລະ ບໍ່ສາ
ມາດກະໂດດລົງໄປຊ່ວຍນາງໄດ້, ຕໍ່ມາປະມານ 10 ນາທີ ຊາວບ້ານຈິ່ງພົບເຫັນສົບຂອງນາງ ຢູ່ທ່າເຮືອຫາປາ ແລະ
ໄດ້ຊ່ວຍກອບກູ້ເອົາສົບຂອງນາງຂຶ້ນມາ ເຊິ່ງເປັນຈຸດສິ້ນສຸດຂອງຮັກສາມເສົ້າ.