Homeຂ່າວຕ່າງປະເທດກໍາປູເຈຍໄດ້ເລີ່ມກະຈາຍການສັກວັກຊີນເຂັມທີ 4 ເພື່ອຮັບມືກັບໂຄວິດ-19 “ໂອໄມຄຣອນ”

ກໍາປູເຈຍໄດ້ເລີ່ມກະຈາຍການສັກວັກຊີນເຂັມທີ 4 ເພື່ອຮັບມືກັບໂຄວິດ-19 “ໂອໄມຄຣອນ”

Published on

ສໍານັກຂ່າວຕ່າງປະເທດ ໄດ້ລາຍງານວ່າ: ປະເທດກໍາປູເຈຍເລີ່ມສັກວັກຊີນປ້ອງກັນໂຄວິດ-19 ເຂັມທີ 4 ເພື່ອຮັບມືກັບສາຍພັນໂອໄມຄອນ ໂດຍປະຊາຊົນທີ່ເປັນກຸ່ມສ່ຽງສູງຈະເປັນກຸ່ມທໍາອິດທີ່ໄດ້ຮັບການສັກວັກຊີນເຂັມກະຕຸ້ນນີ້.

ເຈົ້າໜ້າທີ່ທາງການແພດດ່ານໜ້າ ແລະ ເຈົ້າໜ້າທີ່ທະຫານທີ່ເປັນໜຶ່ງໃນກຸ່ມທີ່ເຂົ້າຮັບການສັກວັກຊີນ ທີ່ໂຮງໝໍ ແລະ ຄີນິກຕ່າງໆ. ນອກຈາກນີ້, ຄະນະລັດຖະມົນຕີລວມເຖິງນາຍົກລັດຖະມົນຕີທ່ານ ຮຸນເຊນ ກໍໄດ້ຮັບການສັກວັກຊີນເຂັມກະຕຸ້ນອີກດ້ວຍ.

ທ່ານ ຮຸນເຊນ ໄດ້ຮຽກຮ້ອງໃຫ້ປຊາຊົນກໍາປູເຈຍທຸກຄົນເຂົ້າຮັບການສັກວັກຊີນໃຫ້ຄົບຖ້ວນລວມເຖິງເຂັມກະຕຸ້ນ ໂດຍບອກວ່າເປັນຫົນທາງດຽວທີ່ຈະເຮັດໃຫ້ຄອອບຄົວ ແລະ ຊຸມຊົນປອດໄພຈາກໂຄວິດ-19 ແລະ ໃນຂະນະດຽວກັນນັ້ນການປະຊາສໍາພັນໃຫ້ປະຊາຊົນເຂົ້າຮັບການສັກວັກຊີນເຂັມທີ 3 ນັ້ນກໍຍັງຄົງດໍາເນີນຕໍ່ໄປເລື້ອຍໆ.

ປະເທດກໍາປູເຈຍໄດ້ມີການເປີດປະເທດຕ້ອນຮັບນັກທ່ອງທ່ຽວທີ່ໄດ້ຮັບການສັກວັກຊີນຄົບຖ້ວນນັບຕັ້ງແຕ່ວັນທີ 15 ພະຈິກ 2021 ເປັນຕົ້ນມາ ໂດຍມີເປົ້າໝາຍທີ່ຈະຟື້ນຟູກິດຈະກໍາທາງເສດຖະກິດ ແລະ ສັງຄົມຂອງປະເທດ

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...