ເມື່ອບໍ່ດົນມານີ້ ສານປະຊາຊົນນະຄອນຫລວງວຽງຈັນ ໄດ້ຕັດສີນລົງໂທດ ທ້າວ ວິລະກອນ ອາຍຸ 28 ປີ ຢູ່ບ້ານບຶງຂະ
ຫຍອງ ເມືອງສີສັດຕະນາກ ນະຄອນຫລວງວຽງຈັນ ໃຫ້ຈຳຄຸກເປັນເວລາ 5 ປີ, ພ້ອມປັບໃໝ 10 ລ້ານກີບ, ໃນຂໍ້ຫາ
ຄ້າຂາຍຢາເສບຕິດ, ໂດຍຖືກເຈົ້າໜ້າທີ່ຈັບໄດ້ຢູ່ເຮືອນ ເມື່ອຕົ້ນເດືອນມີນາ 2014 ພ້ອມຂອງກາງຢາໄອ ຈຳນວນ 5
ຖົງ ຊຸກເຊື່ອງໄວ້ຢູ່ໃນຫ້ອງນອນ.
ຜູ້ກ່ຽວຮັບສາລະພາບຕໍ່ເຈົ້າໜ້າທີ່ວ່າ ຢາໄອທັງໝົດເປັນຂອງຕົນເອງແທ້ ໂດຍຊື້ມາຈາກເຄືອຂ່າຍຂະບວນການຄ້າ
ຢາເສບຕິດຢູ່ນະຄອນຫລວງວຽງຈັນ ເພື່ອຈະເອົາມາຂາຍໃຫ້ລູກຄ້າ ໃນນະຄອນຫລວງວຽງຈັນ ແລະ ຕົນເອງໄດ້ເລີ່ມ
ເຄື່ອນໄຫວຄ້າຂາຍຢາເສບຕິດມາແຕ່ປີ 2013 ແລະ ຖືກເຈົ້າໜ້າທີ່ຈັບຕົວມາດຳເນີນຄະດີຄືດັ່ງກ່າວ.
ແຫລ່ງຂ່າວ: ລາວພັດທະນາ