ເວັບໄຊ ບີບີຊີ ລາຍງານ: ຜູ້ຕິດເຊື້ອໂຄວິດ-19 ສາຍພັນໂອໄມຄຣອນ ມີໂອກາດໜ້ອຍຫຼາຍທີ່ຈະມີອາການໜັກຈົນຕ້ອງເຂົ້າປິ່ນປົວຢູ່ໂຮງໝໍ ເຊິ່ງກວມອັດຕາຕໍ່າສຸດເຖິງ 70% ເມື່ອທຽບກັບສາຍພັນຕ່າງໆທີ່ຄົ້ນພົບກ່ອນໜ້ານີ້.
ອີງຕາມການສຶກສາຂອງໜ່ວຍງານຄວາມປອດໄພດ້ານສຸຂະພາບ ແຫ່ງຣາຊະອານາຈັກອັງກິດ ເຊິ່ງລາຍງານໄດ້ສະແດງໃຫ້ເຫັນວ່າ ຜູ້ຕິດເຊື້ອໂຄວິດສາຍພັນໂອໄມຄຣອນມີໂອກາດໜ້ອຍທີ່ຈະຖືກສົ່ງຕົວເຂົ້າຫ້ອງສຸກເສີນເຖິງ 31% ຫາ 45%, ທັງມີໂອກາດໜ້ອຍທີ່ຈະໄດ້ເຂົ້າປິ່ນປົວຢູ່ໂຮງໝໍ 50% ຫາ 70% ແຕ່ເນື່ອງຈາກໄວຣັສສາຍພັນດັ່ງກ່າວໄດ້ແຜ່ລະບາດໄວເກີນໄປ ເຊິ່ງສາມາດສ້າງແຮງກົດດັນໃຫ້ກັບແພດໝໍຫຼາຍສົມຄວນ.
ຢ່າງໃດກໍຕາມ, ຍັງບໍ່ເປັນທີ່ແນ່ນອນກ່ຽວກັບສິ່ງທີ່ຈະເກີດຂຶ້ນກັບກຸ່ມຜູ້ສູງອາຍຸຫາກຕິດເຊື້ອໄວຣັສສາຍພັນໂອໄມຄຣອນ ເນື່ອງຈາກຜົນການທົດລອງ ແລະຜູ້ທີ່ເຂົ້າປິ່ນປົວໃນໂຮງໝໍສ່ວນໃຫຍ່ແມ່ນກຸ່ມຄົນທີ່ມີອາຍຸຕໍ່າກວ່າ 40 ປີ.