ວັນທີ 17 ທັນວາ ທີ່ຜ່ານມານີ້ ​ເວັບໄຊ້ news18 ​ໄດ້ມີລາຍງານວ່າ ມີລີງຈໍານວນໜຶ່ງອຸ້ມໝາຂຶ້ນໄປບ່ອນສູງ ຫຼັງຈາກກນັ້ນພວກມັນກໍໄດ້ໂຍນໝາລົງມາຈົນເຮັດໃຫ້ໝາຕາຍຈໍານວນຫຼາຍ ສູງເຖິງ 250 ໂຕ ຢູ່ທີ່ 2 ເຂດບ້ານ ໂດຍເຂດບ້ານທໍາອິດແມ່ນຕັ້ງຢູ່ທີ່ ເມືອງບີດ, ລັດ Maharashtra ປະເທດອິນເດຍ ແລະ ອີກເຂດບ້ານໜຶ່ງແມ່ນ ຢູ່ທີ່ເມືອງລະໂວ ເຊິ່ງຫ່າງຈາກບ້ານທໍາອິດປະມານ 10 ກິໂລແມັດ, ເກືອບບໍ່ມີໝາຈັກໂຕຫຼົງເຫຼືອຢູ່ທັງສອງເຂດບ້ານດັ່ງກ່າວແລ້ວ. ນອກຈາກນັ້ນ, ເດັກນ້ອຍນັກຮຽນຫຼາຍຄົນກໍ່ຖືກລີງໄລ່ລ່າ ແລະ ໂຈມຕີເຊັ່ນກັນ.

ຊາວບ້ານ ເວົ້າວ່າ ລີງໄດ້ໂຈມຕີໝາທັນທີທີ່ເຫັນພວກມັນ. ກ່ອນທີ່ຈະລາກຂຶ້ນໄປບ່ອນສູງເຊັ່ນ: ​ເທິງເຮືອນ ​ແລະ ເທິງ​ຕົ້ນ​ໄມ້.​ຈາກ​ນັ້ນ ​ກໍ​ໂຍນລົງພື້ນຈົນໝາຕາຍ. ໃນຂະນະທີ່ສື່ອິນເດຍເຜີຍແຜ່ພາບເຫດການດັ່ງກ່າວ. ໜຶ່ງໃນນັ້ນໄດ້ຖ່າຍຮູບໄດ້ທັນ ໃນຂະນະທີ່ລີງຢູ່ເທິງຫຼັງຄາເຮືອນ ແລະ ໄດ້ເອົາໝານ້ອຍຂຶ້ນໄປເທິງລະບຽງຂອງອາຄານ. ເຊິ່ງໄດ້ມີເຫດການ ທີ່ນັກຮຽນຫຼາຍຄົນຖືກລີງໂຈມຕີຈາກລີງ ໜຶ່ງ​ໃນ​ນັ້ນ​ແມ່ນ​ເດັກ​ນ້ອຍຜູ້ຊາຍ ​ອາ​ຍຸ 8 ປີ ​ທີ່​ຖືກ​ລີງ​ຈັບ ​ແລະ ​ດຶງໄວ້, ຊາວບ້ານ​ຕ້ອງ​ແກວ່ງ​ກ້ອນ​ຫີນ​ໃສ່​ພວກ​ມັນ ​ຈົນ​ພວກ​ລີງ​ຢ້ານ​ ​ແລະ ​ໜີ​ໄປ.

ຊາວບ້ານໄດ້ຕິດຕໍ່ໄປຫາ ເຈົ້າໜ້າທີ່ກົມປ່າໄມ້ ໂດຍຂໍໃຫ້ພວກເຂົາຈັບລີງທີ່ໂຫດຮ້າຍເຫຼົ່ານີ້, ຊາວບ້ານພະຍາຍາມປົກປ້ອງໝາຂອງພວກເຂົາ. ຈົນມາຮອດ ວັນທີ 20 ທັນວາ ກົມປ່າໄມ້ກໍສາມາດຈັບລິງເຫຼົ່ານັ້ນ ແລະ ກຽມເອົາໄປປ່ອຍຢູ່ພື້ນທີ່ຕ່າງໆຂອງປ່າ Nagpur ຕໍ່ໄປ.