ທ່ານ ເປໂດ ຊັນເຊສ ນາຍົກລັດຖະມົນຕີປະເທດສະເປນ ໄດ້ປະກາດກົດບັງຄັບໃຊ້ຜ້າປິດປາກ-ດັງສຳລັບປະຊາຊົນທົ່ວໄປ ໂດຍສະເພາະເວລາອອກນອກເຮືອນ ທັງນີ້ກໍເພື່ອເປັນການສະກັດກັ້ນການແຜ່ລະບາດຂອງພະຍາດໂຄວິດ-19 ພາຍໃນປະເທດ ເຊິ່ງປັດຈຸບັນຍອດຜູ້ຕິດເຊື້ອໃນສະເປນໄດ້ເພີ່ມຈຳນວນສູງຂຶ້ນ.

ສຳນັກຂ່າວ ບີບີຊີ ລາຍງານວ່າ: ສະເປນເຄີຍຍົກເລີກກົດບັງຄັບໃຊ້ຜ້າປິດປາກ-ດັງ ພາຍໃນປະເທດມາແຕ່ຊ່ວງ 6 ເດືອນກ່ອນ ແຕ່ຍອດຜູ້ປ່ວຍທະລຸເກືອບ 50 ລາຍ ໃນວັນທີ 21 ທັນວາ 2021 ຜ່ານມາ ເນື່ອງຈາກສາຍພັນໂອໄມຄຣອນກຳລັງແຜ່ລະບາດໄປທົ່ວເອີຣົບ ຂະນະທີ່ສະເປນເຊື່ອວ່າ ສາຍພັນດັ່ງກ່າວມີສ່ວນກ່ຽວຂ້ອງຂອງການຕິດເຊື້ອພາຍໃນປະເທດເກືອບ 50%.

ເຫດຜົນດັ່ງກ່າວ ເຮັດໃຫ້ລັດຖະບານສະເປນຕັດສິນໃຈປະກາດໃຊ້ກົດບັງຄັບໃນການໃສ່ຜ້າປິດປາກ-ດັງຄືນໃໝ່ອີກຄັ້ງ ພ້ອມປະກາດເລັ່ງໂຄງການສົ່ງເສີມການສີດວັກຊີນໃຫ້ກັບພົນລະເມືອງພາຍໃນປະເທດ ພາຍໃຕ້ການມີສ່ວນຮ່ວມເພີ່ມຂຶ້ນຈາກກອງທັບ.