spot_img
Homeຂ່າວພາຍ​ໃນອິດສະຣາແອນ ເລີ່ມສັກວັກຊີນເຂັມ 4 ແລ້ວ ເສີມສ້າງພູມຄຸ້ມກັນໃຫ້ຜູ້ສູງອາຍຸ ແລະ ຜູ້ມີຄວາມສ່ຽງສູງ

ອິດສະຣາແອນ ເລີ່ມສັກວັກຊີນເຂັມ 4 ແລ້ວ ເສີມສ້າງພູມຄຸ້ມກັນໃຫ້ຜູ້ສູງອາຍຸ ແລະ ຜູ້ມີຄວາມສ່ຽງສູງ

Published on

ວັນທີ 22 ທັນວາ 2021 ສໍານັກຂ່າວ skyNEWS ລາຍງານວ່າ: ວັນ​ທີ 21 ທັນວາ 2021, ​ນາ​ຍົກ​ລັດ​ຖະ​ມົນ​ຕີ​ອິດ​ສະ​ຣາ​ແອນ Naftali Bennett ໄດ້​ປະ​ກາດ​ວ່າ ລັດຖະບານ​ຈະ​ເລີ່ມ​ໂຄງການ​ສັກວັກຊີນ​ປ້ອງ​ກັນ​ພະຍາດ ​ໂຄ​ວິດ-19. ເພື່ອສ້າງພູມຄຸ້ມກັນເຂັມທີ 4 ໃຫ້ກັບກຸ່ມຜູ້ສູງອາຍຸທີ່ມີຄວາມສ່ຽງ ທີ່ມີອາຍຸຕັ້ງແຕ່ 60 ປີຂື້ນໄປ, ໂດຍກ່າວວ່າ ພົນລະເມືອງອິດສະຣາແອນ ຈະເປັນກຸ່ມຄົນທໍາອິດໃນໂລກ ທີ່ໄດ້ຮັບວັກຊີນບູສເຕີເຂັມທີ 4 ເຊິ່ງສະແດງໃຫ້ເຫັນວ່າ ອິດສະຣາແອນຍັງຢູ່ແຖວໜ້າຂອງໂລກ ໃນການຮັບມືກັບການ​ແຜ່​ລະ​ບາດຂອພະຍາດ ​ໂຄ​ວິດ 19. ທ່າມກາງຄວາມຢ້ານກ່ຽວກັບເຊື້ອສາຍພັນ Omikron ທີ່ມີການແຜ່ກະຈາຍໄດ້ຢ່າງງ່າຍດາຍ ແລະ ໄວ.

ຂ່າວ​ລາຍງານວ່າ ນັບ​ມາ​ຮອດ​ວັນ​ທີ 21 ທັນວາ​ນີ້, ອິດສະຣາ​ແອນ​ໄດ້ກວດ​ພົບ​ຜູ້ຕິດເຊື້ອສາຍພັນ Omikron ​ຢ່າງ​ໜ້ອຍ 340 ກໍ​ລະ​ນີ ​ແລະ ​ເມື່ອໄວໆນີ້, ໂຮງໝໍ​ສູນ​ການ​ແພດໂຊໂຣກາ ໃນເມືອງເບຍຊີບາ ຢືນຢັນການພົບຜູ້ເສຍຊີວິດຄົນທໍາອິດຈາກການຕິດເຊື້ອສາຍພັນ Omikron ຢູ່ໃນປະເທດ ເຊິ່ງເປັນເພດຊາຍ ອາຍຸປະມານ 60 ປີ ມີພະຍາດປະຈໍາຕົວຫຼາຍໂຣກ, ລາວ​ໄດ້​ເສຍ​ຊີວິດ​ໃນ​ 2 ​ອາທິດ ​ຫຼັງ​ຈາກ​ໄດ້​ເຂົ້າ​ໄປ​ປິ່ນປົວ​ຢູ່ທີ່​ໂຮງ​ໝໍ.

ໃນ​ອາ​ທິດ​ນີ້, ອິດ​ສະ​ຣາ​ແອນກໍ​ໄດ້​ປະ​ກາດ ​ເພີ່ມ​​ລາຍ​ຊື່​ປະ​ເທດ​ທີ່​ຖືກ​ຫ້າມເດີນທາງ​ເຂົ້າ​​ອິດ​ສະ​ຣາ​ເອນ. ລວມທັງອາເມລິກາ, ເຢຍລະມັນ, ອີຕາລີ, ຕວກກີ ແລະ ການາດາ ເພື່ອສະກັດກັ້ນການແຜ່ລະບາດຂອງ ໂຄວິດ-19. ນອກ​ນີ້, ລັດຖະບານ​ຍັງ​ໄດ້​ປະກາດ​ຂໍ​ໃຫ້​ປະຊາຊົນ​ເຮັດ​ວຽກ​ຢູ່​ບ້ານ ແລະ ຫຼຸດຜ່ອນເວລາເຮັດວຽກຢູ່ຫ້ອງການລົງ 50%.

ບົດຄວາມຫຼ້າສຸດ

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...

ຖືກກັກໂຕແລ້ວ ຈາກກໍລະນີແພດທຳຮ້າຍຮ່າງກາຍຄົນເຈັບ ຢູ່ຫວຽດນາມ ພົບເຄື່ອງມືບໍ່ໄດ້ມາດຕະຖານ ແລະ ບໍ່ມີໃບອະນຸຍາດ

ໃນວັນທີ 11 ກັນຍາ 2025 ທີ່ຜ່ານມາ, ເຈົ້າໜ້າທີ່ຕຳຫຼວດນະຄອນໂຮຈິມິນ ປະເທດຫວຽດນາມ ໄດ້ຈັບກຸມ ນາງ ຫວຽນ ຖິ ຕ່ວນ ຈິງ (Nguyen...

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...