ເວັບໄຊ Channel News Asia: ອັງການອະນາໄມໂລກ (WHO) ກ່າວໃນວັນທີ 20 ທັນວາ 2021 ວ່າ ໄວຣັສໂຄໂຣນ່າສາຍພັນໂອໄມຄຣອນ ມີກຳລັງການແຜ່ລະບາດໄວກວ່າສາຍພັນເດລຕ້າ ແມ່ນແຕ່ຄົນທີ່ສັກວັກຊີນຄົບແລ້ວ ລວມທັງຜູ້ທີ່ຫາຍປ່ວຍຈາກພະຍາດໂຄວິດກໍສາມາດຕິດເຊື້ອດັ່ງກ່າວໄດ້.

ທ່ານ ນາງ ໂຊເມຍ ສະວາມີນາຕັນ, ຫົວໜ້າຝ່າຍວິທະຍາສາດ ຂອງ WHO ສາຍພັນໂອໄມຄຣອນມີຄວາມສາມາດໃນການຫຼົບຫຼີກການຕອບສະໜອງທາງພູມຄຸມກັນບາງຢ່າງໄດ້ດີ ຂະນະນີ້ມີຫຼັກຖານສຳຄັນທີ່ສອດຄ່ອງກັນກ່ຽວກັບຄວາມໄວຂອງການລະບາດຂອງໂອໄມຄຣອນທີ່ມີອັດຕາສູງກວ່າເດລຕ້າ ພ້ອມມີແນວໂນ້ມທີ່ຜູ້ໄດ້ຮັບວັກຊີນຄົບ ຫຼື ຜູ້ທີ່ຫາຍປ່ວຍຈາກພະຍາດໂຄວິດ ມີໂອກາດຕິດເຊື້ອໄດ້.

ຢ່າງໃດກໍຕາມ, ເຈົ້າໜ້າທີ່ອົງການອະນາໄມໂລກກ່າວວ່າ ການສັກວັກຊີນເພື່ອສ້າງພູມຄຸ້ມກັນໃນຮູບແບບອື່ນໆ ອາດສາມາດປ້ອງກັນການຕິດເຊື້ອສາຍພັນດັ່ງກ່າວໄດ້.